Luka 5:19 - MUKANDA USANDU WA ZAMBI 1975

¹⁹ Muze kawanyine haze mamunjishila, mumu ha mbunga, anyinyine ha fulumba ya zuwo, amusunwishine ndusu mu telya hamwe ni chalo chenyi mukachi, kumeso jenyi.

Mukanda Wa Zambi 1970

¹⁹ Alioze kaahashile kumunjisa mumu ha kwoka cha mbunga. Mba yaanyina ha fulumba, yaalokola ho chitutulu, yaamusunwishina ha muhela wenyi mukachi ka mbunga ku meso ja Yesu.

Luka 5:19 Iomraidhean Croise

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

Jeremia 19:13

Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Mateu 10:27

Chize ngunambe kuli yenu mu milima, hanjikenu ha mwalwa; chize nunevu mu twitwi, ambujolenu ha mafulumba ja mazuwo.

Mateu 24:17

yoze mapwa helu lia zuwo, kanda akasunuka mukuchiza yuma yize yili mu zuwo lienyi:

Marku 2:4

Se kahashile kukundama kuli iye mumu ha mbunga, afukwile fulumba muze apwile, ni muze te halokolamo, azezele chalo haze apombele mukwa kalepa.

Shimbi 22:8

Ha kutunga mazuwo aha, munutunga yisakala ha fulumba jenu, kuchina mununeha mutonga wa manyinga ha mazuwo jenu ha kuhotokaho mutu.

1 Samuel 9:25

Muze hakatuka ku nangamo heza nawa mu chihunda, yalishimwinya ni Saulu helu lia zuwo.