Luka 5:17 - MUKANDA USANDU WA ZAMBI 1975

¹⁷ Mba ha tangwa limwe shimbu machilongesa, A-Fwariseu ni akwa shimbi atwamineko, waze te hakatuka ku yihunda yeswe ya mu Ngalileya ni ya mu Yundeya ni a ku Yerusaleme, ni tachi ja Mwene japwileko kwahindwisa.

Mukanda Wa Zambi 1970

¹⁷ Limwe tangwa Yesu yabutuka kulongesa. Afariseu ni alongeshi a Shimbi yaatwama ko. Yaakatwoka ku membo eswe a mu Galilea, ni a mu Yudea, ni ku Yerusaleme. Ndundo ja Mwene Zambi yijimukwasa kuwuka mieji.

Luka 5:17 Iomraidhean Croise

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 15:1

Henaho akwa kusonyeka ni A-Fwariseu a ku Yerusaleme ejile kuli Yesu, ngwo,

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Marku 16:18

O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Marku 3:22

Akwa kusonyeka waze te hakatuka ku Yerusaleme, ambile ngwo, Mbelezepu akwete, chikwo ngwo, Ni tachi ja mwata wa andemoniu kakutuhwisa andemoniu.

Marku 5:30

Mba haze hene Yesu, se kananyingika muli iye mwene ngwenyi, Tachi hijatuhuka muli yami, watewulukile mu mbunga, wambile ngwenyi, Iya wakwata ku hina liami?

Marku 7:1

Mba yakungulukila kuli iye A-Fwariseu, ni amwe a kuli akwa kusonyeka waze akatukile ku Yerusaleme.

Luka 15:2

Mba A-Fwariseu ni akwa kusonyeka alinyenyetene ngwo, Yono kakutambula yivulumunyi, kakulia hamwe no.

Luka 2:46

Kulutwe lia matangwa atatu, amuwanyine mu tembele, kanatwama mukachi ka alongeshi, kanaapanjika, kanaahula yihula.

Luka 5:21

Akwa kusonyeka ni A-Fwariseu aputukile kunyonga ngwo, Iya yono unahanjika kushililika Zambi? Iya mahasa kukonekena milonga shina Zambi wika?

Luka 5:30

A-Fwariseu ni akwa kusonyeka jo alinyenyetene hali tumbaji twenyi, nikwamba ngwo, Kuchi te nunali, nunanu hamwe ni akwa kufwetesa lijimu ni yivulumunyi?

Luka 6:19

Ni mbunga yeswe afupile kumusa minwe; mumu tachi jatuhukile muli iye, jahindwishile eswe.

Luka 7:30

Alioze A-Fwariseu ni akwa shimbi alitunyine ha kutwala kuli ayo ene mana ja Zambi, se kaapapachishile kuli iye.

Luka 8:46

Alioze Yesu ngwenyi, Umwe wangusa minwe; mumu kunevwa tachi kujatuhuka muli yami.

Yoano 3:10

Yesu wamukumbulwile ngwenyi, Yena uli mwe longeshi wa A-Izalele hindu kwanyingikine yino yuma, nyi?

Yoano 3:21

Alioze yoze wakulinga umwenemwene kakwizaza ku pangu, hanga akasolole yitanga yenyi, hanayilingi muli Zambi.

Yilinga 19:11

Zambi walingile yipupu yinene ku moko ja Paulu:

Yilinga 4:30

shimbu muolola kwoko lie mukuhindwisa; hanga akalinge yilayi ni yipekesa ku jina lia Kavumbi ke musandu Yesu.

Yilinga 5:34

Alioze kwakatukile hakachi ka akwa kuyula umwe Ka-Fwariseu, jina lienyi Ngamaliele, longeshi ya shimbi, walemene kuli atu eswe, wambile atuhwise apostolo haze hakepe.