Luka 5:12 - MUKANDA USANDU WA ZAMBI 1975

¹² Muze apwile mu limbo limwe, kumanyi, mwapwile lunga wa tò ni mbumba, muze amwene Yesu, wafulamanyine, waliumbile kuli iye, ngwenyi, Mwene, nyi unapale, muhasa kungupemesa.

Mukanda Wa Zambi 1970

¹² Muze Yesu abwile mu limwe limbo, kuma yimubwa umwe mutu wange ni musongo wa mbumba. Ha kumona Yesu, yafulamana ku molu jenyi, yaliumba ngwenyi: “Mwene nyi unazange muuhasa kama kungubemesa!”

Luka 5:12 Iomraidhean Croise

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

1 Yitanga Ya Mianangana 18:39

Muze atu eswe achimwene yafulamana ha meso jo, yamba ngwo, Yehova iye Zambi! Yehova iye Zambi!

1 MIANANGANA 5:1

Achi Naamane, kapitau ka tujita twa mwanangana wa Seria, iye mutu munene kumeso ja mwata wenyi, ni mulemu nawa, mumu kuli iye Yehova te hanakumbisa A-Seria; iye chitakame, mukwa hamu nawa, alioze mukwa mbumba.

1 MIANANGANA 5:27

Kashika mbumba ya Naamane yikalalaminye kuli yena ni kuli akwa munyachi we ndo ku miaka yeswe. Yatuhuka kumeso ja Elisha mukwa mbumba ngwe neve.

1 MIANANGANA 7:3

Achi kwapwile malunga awana akwa mbumba mwe mu unjililo wa chikolo; o aliambile umwe kuli mukwo ni mukwo ngwo, Kuchi te tunatwama kuno ndo mutufwa?

1 Sango Ja Mianangana 21:16

David yahetula meso jenyi, yamona mungelo wa Yehova kanamana hakachi ka hashi ni lilu, ni katana wa kutomona mu kwoko lienyi kanamuzozo helu lia Yerusaleme. Henaho David ni makulwana, eswe anazala yikeleyi, yafulamana hashi.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Kutuhuka 4:6

Chikwo nawa Yehova yamba kuli iye ngwenyi, Njisa kwoko lie mu tulo ye. Yasa kwoko lienyi mu tulo yenyi, alioze muze yalichiza, kumanyi kwoko lienyi ni mbumba, litoma to ngwe neve.

Alevi 13:16

Alioze nyi yifwo yichila muyalumuka nawa yikapwe yitoma, akeze kuli sasendote.

Alevi 9:24

Kahia kakatukile kumeso ja Yehova yalalisa mulambu wa kulumba hamwe ni maji ha chilumbilo. Muze atu eswe hachimona, atetele mba yafulamana ha meso jo.

Mateu 26:6

Achi, muze Yesu apwile mu Mbetaniya, mu zuwo lia Semone mukwa mbumba.

Mateu 9:28

Muze te hanjila mu zuwo, tupuputa ejile kuli iye: mba Yesu yamba kuli ayo ngwenyi, Nunafuliela ngwe munguhasa kulinga chino, nyi? O yamba kuli iye ngwo, Ewa, Mwene.

Marku 5:23

Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Luka 17:16

iye wafulamanyine ku yiliato yenyi nikumusakwila, neye Ka-Samaria.

Luka 5:13

Iye wolwele kwoko lienyi, wamusele minwe, ngwenyi, Ngunapale; pwako mungunu; haze hene mbumba yenyi yamukatukile.

Shimbi 24:8

Nukanyame ni musongo wa mbumba, nutale kanawa, nulinge nikulita ni yeswe manulongesa kuli asasendote, A-Levi, ngwe hinaamba, chocho nukanyame kulinga.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?