Luka 4:41 - MUKANDA USANDU WA ZAMBI 1975

⁴¹ Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Mukanda Wa Zambi 1970

⁴¹ Mwiku wa luchisa yiutuhwoka muli mieji anji ni kukololoka ngwo: “Mwe Mwana Zambi yena!” Alioze Yese yaukanjisa, yawaha koki, mumu yiunyingika ngwo kali Chilamwina yoze Zambi alakenyene.

Luka 4:41 Iomraidhean Croise

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Mateu 8:16

Muze hapwile chingoloshi, anehene kuli iye akwa andemoniu anji; neye watuhwishile maspiritu ni liji lienyi; wawukile waze eswe ayijile.

Mateu 8:29

No kumanyi, akololokele ngwo, Kuchi yetu ni yena, Yesu mwe Mwana Zambi? Uneza kuno mukutupinjisa shimbu mwaka kanda wiza, nyi?

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Marku 1:25

Yesu wamukanjishile ngwenyi, Hola kulungunga kwe, utuhuke muli iye.

Marku 1:32

Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu,

Marku 1:34

Iye wawukile anji waze ayijile ni misongo yeka ni yeka, watuhwishile andemoniu anji, katayijile andemoniu kuhanjika, mumu amunyingikine.

Marku 3:11

Ni maspiritu a luchisa, heswaho amumwene, afulamanyine kumeso jenyi, nikukololoka ngwo, Mwana Zambi yena.

Luka 4:39

Iye wamuzulaminyine, wakanjishile kachiki, iye wamukatukile, ni haze hene wahindukile, waavumbikile.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Tiangu (Jake) 2:19

Yena Unafuliela ngwe Zambi kapwa umuwika; unalingi kanawa: andemoniu nawa kakufuliela nikuchikima.