Luka 4:2 - MUKANDA USANDU WA ZAMBI 1975

² ha shimbu lia makumi awana a matangwa, kanamweseka kuli Ndiapu, kalile nichimwe ha matangwa aze: ni muze amanunukine wevwile zala.

Mukanda Wa Zambi 1970

² Kwenako Sakwonga yamweseka matangwa makumi awana. Yesu kalile nichimwe. Kashika muze matangwa waze haabalika, Yesu yevwa zala.

Luka 4:2 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

1 Yitanga Ya Mianangana 19:8

Yakatuka; yalia; yanwa; yenda mu tachi ja kulia chize makumi awana a matangwa ni makumi awana a ufuku ku Horepe we mulundu wa Zambi.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Kutuhuka 24:18

Mose yanjila mwe muchima lia lelwa. Yakanduka ha mulundu. Mose wapwile ha mulundu makumi awana a matangwa ni makumi awana a ufuku.

Kutuhuka 34:28

Iye wapwile kuze hamwe ni Yehova makumi awana a matangwa ni makumi awana a ufuku. Kalile, chipwe kunwa, kanwine. Iye yasoneka ha mawe maliji a usendo, e maliji kumi.

Yona 3:7

Yatuma liji nikuliambujola mu Ninive nikulita ni shimbi ya mwanangana ni yilolo jenyi ngwenyi, Niumwe kanda alia nichimwe, apwe mutu, apwe chimuna, apwe ngombe, hanji pembe, hanji panga, kanda alia, kanda anwa.

Mateu 21:18

Achi, ha chimenemene shimbu muchihiluka ku limbo, wevwile zala,

Mateu 4:2

Walitwaminyine kulia makumi awana a matangwa ni makumi awana a ufuku, ni kulutwe lia chize wevwile zala.

Luka 4:3

Mba Ndiapu wambile kuli iye ngwenyi, Kachi yena uli mwe Mwana Zambi, amba liwe lino, lialumuke mbolo.

Yoano 4:6

Ni fuji lia meya lia Yakomba liapwileko. Yesu kashika se kanevu yikatalo ha wenyi uze ayile, watwamine chizechene ku fuji lia meya. Hapwde ngwe ola yamuchisambano.

Shimbi 9:18

Yingufulamana hashi kumeso ja Yehova, ngwe nalingile kunyima, makumi awana a matangwa ni makumi awana a ufuku. Chalile, chipwe chanwine, mumu ha mulongo wenu weswe nwavulumwine ha kulinga chize chapwa chipi kumeso ja Yehova, mukumwihia.

Shimbi 9:25

Chocho yingufulamana hashi kumeso ja Yehova makumi awana a matangwa ni makumi awana a ufuku yingufulamanako, mumu te Yehova wambile ngwenyi, Mungwaonwona.

Shimbi 9:9

Ha kukanduka chami ha mulundu mukulambula mikanda ya mawe, te ye mikanda ya usendo Yehova aukolesele ni yenu, yingutwama ha mulundu makumi awana a matangwa ni makumi awana a ufuku. Chalile, chipwe chanwine.

Hebreu 2:18

Mumu se iye mwene hanevu lamba, ha kumweseka, kanahase kukwasa waze anaeseka.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.

1 Samuel 17:16

Mwe Ka-Filistea wakundamine chimene ni chingoloshi nikulisolola makumi awana a matangwa.