Luka 4:18 - MUKANDA USANDU WA ZAMBI 1975

¹⁸ Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Mukanda Wa Zambi 1970

¹⁸ “Mwiku wa Mwene Zambi uli muli yami. Hananguwayisa mu kwambujolela yiswale Sango Jipema, hanangutumu mu kunyingikisa utuswilo kuli funge, mu kulawisa meso ja tupuputa, mu kutusula waze akumona lamba,

Luka 4:18 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

2 Sango Ja Mianangana 34:27

mumu mbunge ye yapwile yovu, ni yena walilelesele kumeso ja Zambi ha kwivwa maliji jenyi a kulimika ni chifuchi chino ni atu jamo, hiwalilelesa kumeso jami, hiwasonya mazalo je nikulila kumeso jami, ni yami hinakupanjika, chocho kanambe Yehova.

Miaso (Masamu) 102:20

Akevwe mikuma ya funge, akatusule waze hanaasela kufwa;

Miaso (Masamu) 147:3

Kakuwuka waze anafu mbunge. Kakujichika yilonda yo.

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 34:18

Yehova katwama hehi ni waze amakuka mbunge. Kakulamwina waze akwete Spiritu ya kupihilila.

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Izaya 32:3

Mba meso ja akwa kumona kechi kaajika, ni matwi ja akwa kwivwa makapalika.

Izaya 35:5

Henaho meso ja tupuputa malaula, matwi ja afwa-matwi majikuka.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 45:13

Hinamusongojola mu ululi, mba mungukalulamisa majila jenyi eswe. Kumakatunga chihunda chami, ni kutusula atu jami atwama kusuku ni mahio; kechi kachilinga mumu ha ndando hanji kwononona. Chocho kanambe Yehova-wa-Tujita.

Izaya 49:9

ukambe kuli funge ngwe, Tuhukenu, kuli waze atwama mu milima ngwe, Solokenu. Kumakalia mu jila, ku milundu ya hululu makawana kelo.

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Ezekiel 9:4

Yehova yamba kuli iye ngwenyi, Palika mu chihunda, mwe mu Yerusaleme, ukase mufunda ha mahuma ja malunga aze akutwa mikuma ni kulishimwoka ha mukunda wa yuma ya lwaji akulingamo.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Zefania 3:12

Mumu munguhichika hakachi kenu atu akulikehesa ni kushimbika. O makafupa chiswamo mu jina lia Yehova.

Zakaria 11:11

Chocho usendo wafwile tangwa lize, mba akwa kusepa ni mapanga waze apwile nikungupanjika anyingikine ngwo, Liji lia Yehova.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 12:18

Kavumbi kami yoze hingunamutongola; Ngunamuzange chikolo, yoze muli iye mbunge yami yinawaha: Kumungukasa Spiritu yami hali iye, mba kumakambujola upatwilo kuli akwa mavungu.

Mateu 12:20

Lumbungu wa kufwenya kechi kamumakuna, ni wanda wa kuneha mwishi kechi kaujima, ndo masolola upatwilo ukakumbe.

Mateu 4:16

Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Mateu 5:3

Kawaha yiswale mu Spiritu, mumu wanangana wa malilu niwo.

Luka 4:17

Mba amukunjikile mukanda wa profeta Izaia, iye wapakwile mukanda, wawanyine kuze asonekene ngwo,

Luka 6:20

Iye wahetwile meso jenyi hali tumbaji twenyi, ngwenyi, Kunwawaha, yenu, yiswale; mumu wanangana wa Zambi niwenu.

Luka 7:22

Mba Yesu wakumbulwile ngwenyi, Yénu, nukambulwile Yoano chize hinwamona, ni chize hinwevwa; tupuputa kanalaula ku meso, yilema kanende, akwa mbumba kanapeme, ni afwa-matwi kanevu, afu kanahinduka, kuli yiswale kakwambujola sango lipema.

Yoano 1:41

Iye hatangu yawana yayo Semone, yamba kuli iye ngwenyi, Hitunawane Mesaya (linalumbunuka ngwo, Kristu).

Yoano 12:46

Hinguneza ngwe pangu hano hashi, hanga mweswawo mangufuliela, kechi katwama mu milima.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 4:26

mianangana ja hashi akatukile, ni miata akungulukile hamuwika, mukulimika ni Mwene, ni kulimika ni Kristu yenyi:

Yilinga 4:27

mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,

Kolosu 1:13

mwenawo hanatupulula ku chiyulo cha milima, hanatututulwila ku wanangana wa mwe Mwana wa zango lienyi.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: