Luka 4:15 - MUKANDA USANDU WA ZAMBI 1975

¹⁵ Iye walongesele mu masunangonga jo, ni eswe amuchichimiekene.

Mukanda Wa Zambi 1970

¹⁵ Yalongesa mu mazuwo jo a kuwayila. Atu eswe yaamuchichimieka.

Luka 4:15 Iomraidhean Croise

Izaya 55:5

Muwiza kutambika mavungu kwanyingikine, ni mavungu kakunyingikine makazomboka kuli yena, ha mukunda wa Yehova Zambi ye, mwe Musandu wa Izalele, mumu hanakwehe uhenya.

Mateu 13:54

Ha kuheta ku chijima chenyi mwene, walongesele mu sunangonga yo, chocho alishimwokene, ngwo, Kulihi yono hanatambula mana ano ni yipupu yino?

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 9:35

Mba Yesu wayile nikujingajinga ku membo eswe, ni ku yihunda yeswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe ni weji weswe mukachi ka atu.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Marku 1:27

Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Marku 1:39

Iye wanjilile mu masunangonga jo mu Ngalileya mweswe, nikwambujola nikutuhwisa andemoniu.

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Luka 13:10

Iye te hanalongesa mu sunangonga yimwe ha tangwa lia Sambata.

Luka 4:16

Iye wejile ku Nazare, kuze amulelele, wanjilile nikulita ni ndako yenyi, mu sunangonga ha tangwa lia sambata, wakatukile mukutanga.