Luka 4:1 - MUKANDA USANDU WA ZAMBI 1975

¹ Yesu wa tò ni Spiritu Musandu, yakatuka ku Yordau yahiluka, yamutwala muli Spiritu ku puya;

Mukanda Wa Zambi 1970

¹ Yesu nikuzala ni Mwiku wa Linanga, yakatuka ku Yordau, yahiluka. Mba Mwiku wa Linanga, yiumutwala mu puya.

Luka 4:1 Iomraidhean Croise

1 Yitanga Ya Mianangana 18:12

Mba muze hinaya Spiritu ya Yehova manumbata kuze yami Chanyingikine. Chocho ami munguheta kuli Ahabe nikumwambulwila mba muze kanuwanyine mangushiha. Alioze ami kavumbi kenu nakwivwa woma wa Yehova chize ku wanuke wami.

1 Yitanga Ya Mianangana 19:4

Alioze wayile wenyi wa tangwa lia muwundu mu puya. Yaheta ku chiputa chimwe, yeta kuli Zambi akafwe. Ngwenyi, Kunahu, Yehova, tambula kama mwono wami, mumu chapemene kuhiana atata.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Ezekiel 3:14

Spiritu yanguzundula, yangumbata; yinguya ni kusasa ni kusasaminya cha spiritu yami mumu kwoko lia Yehova te lili hali yami ni tachi.

Mateu 3:16

Muze te hamupapachisa, Yesu watutukile mu meya, ni kumanyi, malilu azulukile kuli iye, neye wamwene Spiritu ya Zambi kanahulumuka ngwe katele, nikwiza hali iye.

Luka 2:27

Iye ku tachi ja Spiritu wanjilile mu tembele: muze yisemi anehenemo mwe mwana-kemba Yesu, akamulingile nikulita ni ndako ya shimbi,

Luka 3:3

Iye wejile mu chifuchi cheswe cha kujingilika Yordau, nikwambujola upapachiso wa kulikonyeka ha ukonekeno wa milonga;

Luka 3:38

mwana Enoshe, mwana Sete, mwana Alama, mwana Zambi.

Luka 4:14

Yesu wahilukilile ni tachi ja Spiritu ku Ngalileya; ni lufuma wenyi wafumanyine ndusu mu chifuchi cheswe cha kujingilika.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Yoano 1:32

Yoano washindakenyene ngwenyi, Ngunakamona Spiritu kanahulumuka mwilu ngwe katele; kanakatwama hali iye.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 8:39

Muze atutukile mu meya, Spiritu ya Mwene wapindumwine Fwilipe; unuku kamumwene nawa, mumu wayile kwenyi nikuwahilila.