Luka 3:8 - MUKANDA USANDU WA ZAMBI 1975

⁸ Imenu kashika mihuko ya kutela kulikonyeka, kanda nuputuka kwamba mu mbunge jenu ngwenu, Apalahama tuli nenyi kulwetu; mumu ngunambe kuli yenu ngwami, Ku mawe ano Zambi kanahase kusangula ana kuli Apalahama.

Mukanda Wa Zambi 1970

⁸ Lingenu yitanga yize muyisolola chize hinwalumuka ku mbunge. Kanda nubutuka kulisamba ngwenu: ‘Abrahama kali kashakulu ketu.’ Mumu ngunanwambe ngwami, Zambi mahasa kwalumuna mawe wano ni kwapwisa vungu lia Abrahama,

Luka 3:8 Iomraidhean Croise

Nehemia 5:11

Hilwisenu kuli ayo musono uno mande jo, ni minda yo ya uva, ni ya olevwe, ni mazuwo jo. Hilwisenu nawa chihanda chimuwika cha kulakaji cha mbongo, ni mbuto, ni vinyu, ni maji yize nwakutambula kuli ayo.

Ezekiel 33:24

Mwana mutu, wano atwama mu yihela yino ya kwenyeka mu chifuchi cha Izalele kakwambamba ngwo, Apalahama wapwile mutu umuwika, hindu wazukile chifuchi; mba yetu tuli anji; hatwaha chifuchi tukachizuke.

Mateu 21:43

Kashika ngwami, Kumakachiza wanangana wa Zambi kuli yenu, makauhana ku vungu limwe lia waze mema mihuko yawo.

Mateu 3:8

Imenu kashika mihuko ya kutela kulikonyeka:

Mateu 3:9

kanda nushinginyeka kwamba muli yenwene ngwenu, Apalahama tuli nenyi kaka: mumu ngunambe kuli yenu ngwami, Chipwe ku mawe ano Zambi mahasa kusangula ana kuli Apalahama.

Luka 13:25

Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Luka 13:26

Hohene munukaputuka kwamba ngwenu, Hitunali, hitunanu kumeso je, hiunalongesa mu matapalo jetu;

Luka 14:9

Mba yoze wanulakenyene eswe aali, meza kuli yena ngwenyi, Lisekule hali yono; hohene muputuka ni sonyi kutambula chitwamo cha kusula.

Luka 19:40

Iye waakumbulwile ngwenyi, Ngunanwambulwila ngwami, Kachi wano mahola, kachi mawe makololoka.

Luka 19:9

Yesu wambile kuli iye ngwenyi, Musono ulamwino hiweza ku zuwo lino, mumu iye nawa mwana Apalahama.

Luka 5:21

Akwa kusonyeka ni A-Fwariseu aputukile kunyonga ngwo, Iya yono unahanjika kushililika Zambi? Iya mahasa kukonekena milonga shina Zambi wika?

Yoano 8:33

Amukumbulwile ngwo, Tuli munyachi wa Apalahama, kutwapwile ndungo kuli niumwe nilimwe tangwa: ngwe kuchi unambe ngwe, Kumunukatusuka?

Yoano 8:39

Amukumbulwile ngwo, Kulwetu iye Apalahama. Yesu yamba kuli ayo ngwenyi, Kachi nwapwa ana a Apalahama, kachi nwalinga yitanga ya Apalahama.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

A-ROMA 4:16

Ha chikuma chino kuchapwa ku Ufulielo, hanga chikalite ni vumbi; hanga chilakenyo chikakole ku munyachi weswe; hi ku munyachi wa shimbi ko, alioze ku uze nawa wa ku Ufulielo wa Apalahama; iye tato ya yetu eswe,

A-ROMA 9:7

chipwe, mumu anapu munyachi wa Apalahama, eswe anapu ana, ka; alioze ngwo, Muli Izake makatambika munyachi we.

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.