Luka 3:7 - MUKANDA USANDU WA ZAMBI 1975

⁷ Iye wambile kashika ku mbunga jize ayile kuze akaapapachise ngwenyi, Vungu lia yihili, iya hanutoweza kuchina utenu uze muwizaho?

Mukanda Wa Zambi 1970

⁷ Mbunga te kaakwiza kuli Yoano hanga akaapapachise. Yoano yaamba ngwenyi: “Yenu vungu lia yihili, iya unakanulongesa kuchina ufwatulo wa Zambi uze muukeza?

Luka 3:7 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Izaya 59:5

Kakutota monda ja fwiji, kakuseleka wandajili. Mweswe malia monda jo kumafwa, mba chipwe mafwenya limwe, yenge kumatuhukamo.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Mateu 3:6

waapapachishile mu lwiji Yordau, o nikushikisa milonga yo.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yilinga 13:10

wambile ngwenyi, Yena mwana Ndiapu, wa tò ni kalimbalimba mweswe ni uzazali weswe, mukwa kole ku ululi weswe, kusolo kulitwamina kuhengesa jila ja ululi ja Mwene, nyi?

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.