Luka 3:3 - MUKANDA USANDU WA ZAMBI 1975

³ Iye wejile mu chifuchi cheswe cha kujingilika Yordau, nikwambujola upapachiso wa kulikonyeka ha ukonekeno wa milonga;

Mukanda Wa Zambi 1970

³ Neye yendangana mu chifuchi cheswe cha kusulangana ni lwiji Yordau, nikwambujola ngwenyi: “Alumukenu ku mbunge, anupapachise, mba Zambi manukonekena milonga yenu.”

Luka 3:3 Iomraidhean Croise

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Luka 1:16

Kumakatewulwila anji hakachi ka ana a Izalele kuli Mwene Zambi yo.

Luka 1:77

Mukunyingikisa atu jenyi ulamwino ha ukonekeno wa milonga yo.

Luka 4:1

Yesu wa tò ni Spiritu Musandu, yakatuka ku Yordau yahiluka, yamutwala muli Spiritu ku puya;

Yoano 1:28

Alingile yino yuma mu Mbetaniya kuze-kanda lia Yordau, kuze apwile Yoano nikupapachisa.

Yoano 3:26

O ayile kuli Yoano, ambile kuli iye ngwo, Longeshi, yoze wapwile hamwe ni yena kuze kanda lia Yordau, yoze wamushindakenyene, kumanyi, iye kakupapachisa atu, ni eswe kakuyaya kuli iye.

Yilinga 13:24

Shimbu kandeza, Yoano hatangu ambujolele upapachiso wa kulikonyeka kuli atu eswe a Izalele.

Yilinga 19:4

Paulu wambile ngwenyi, Yoano chamwenemwene wapapachishile ni upapachiso wa kulikonyeka, nikwamba kuli atu, akafuliele yoze meza kunyima yenyi, Yesu te.

Yilinga 22:16

Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.