Luka 3:18 - MUKANDA USANDU WA ZAMBI 1975

¹⁸ Iye wambujolele sango lipema kuli atu, ni kwashinjila yuma yinji yikwo nawa.

Mukanda Wa Zambi 1970

¹⁸ Yoano yashinjila nawa yuma yinji yikwo muze alongesele atu Sango Jibema.

Luka 3:18 Iomraidhean Croise

Luka 3:17

Chifujilo chenyi mu kwoko lienyi chili, kumakapemesa liakulu chizungwilo chenyi; iye kumakakungika tiliku mu chila yenyi; alioze yizungu kumakayocha ni kahia kaze kukeshi kuhasa kujima.

Luka 3:19

Alioze nguvulu Heronde, se hamukanjisa kuli Yoano, ha kutwala kuli Herondeya pwo lia mwanakwo Fwilipe, ha kutwala ku yuma ya ungulungulu yize yeswe Heronde walingile kulu,

Yoano 1:15

Yoano washindakenyene hali iye, wakololokele ngwenyi, yono iye nambile ngwami, Yoze meza kunyima yami iye kulutwe liami: mumu iye waliangile.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 1:34

Hingunamono; hingunashindakenya ngwami, Yono mwe Mwana Zambi.

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Yilinga 20:2

Ni muze te hapalika ndusu mu yihanda yize, nikwashinjila ni maliji anji, wahetele ku Ngresia.

A-ROMA 12:8

hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.