Luka 3:12 - MUKANDA USANDU WA ZAMBI 1975

¹² Akwa kufwetesa lijimu nawa ejile akaapapachise, o ambile kuli iye ngwo, Longeshi, kuchi chatutamba kulinga?

Mukanda Wa Zambi 1970

¹² Akwa kulambwisa lijimu yeeza hanga aapapachise, yaahula Yoano ngwo: “Longeshi, kuchi yetu chatutamba kulinga?”

Luka 3:12 Iomraidhean Croise

Mateu 5:46

Mumu kachi nunazange waze akunuzanga, kwononona chika nuli nacho? Chipwe akwa kufwetesa lijimu keshi kulinga chimuwika, nyi?

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Luka 3:10

Ni mbunga amuhulile, ngwo, Kuchi kevwe chatutamba kulinga?

Luka 3:13

Iye ngwenyi, Kanda nufwetesa kuhiana chize hananwambe.

Luka 7:29

Ata eswe ni akwa kufwetesa lijimu muze evwile, asambishile Zambi, se aapapachishile ni upapachiso wa Yoano.

Yilinga 2:37

Achi, muze evwile chino alichokele mu mbunge, o ambile kuli Petulu ni apostolo ngwo, Mandumbu, kuchi mutulinga?