Luka 3:11 - MUKANDA USANDU WA ZAMBI 1975

¹¹ Waakumbulwile ngwenyi, Yoze uli ni yikuto yiali akalianyine ni yoze keshi nacho; ni yoze uli ni kulia akalinge chizechene.

Mukanda Wa Zambi 1970

¹¹ Yaakumbulula ngwenyi: “Yoze uli ni yikuto yaali chamutamba kuhana chimuwika kuli yoze keshi nacho, ni yoze uli ni yakulia chamutamba kulinga chizechene.”

Luka 3:11 Iomraidhean Croise

Ezekiel 18:7

keshi kupinjisa niumwe alioze kakuhilwisa tombo kuli mukwa kutambula mukuli; keshi kwiya alioze kakuhana mbolo yenyi kuli akwa zala; kakujika akwa uselesele,

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Luka 18:22

Muze Yesu evwile chino, wambile kuli iye ngwenyi, Hindu chuma chimuwika unahono; lanjisa yize yeswe uli nayo, ukapangile kuli yiswale, ukapwe ni upite mwilu; wize, ungukaule.

Luka 19:8

Alioze Zakeu wamanyine, wambile kuli Mwene ngwenyi, Mwene, chihanda cha hakachi cha yikumba yami ngunahane kuli yiswale; nyi kachi natambwile chimwe kuli mutu umwe ni chisanyino, kachi ngunahilwisa kuli iye yisuho yiwana.

Yoano 13:29

Mumu amwe ashinginyekene, ngwo, Mumu Yundase wapwile ni tuku, Yesu wambile kuli iye ngwenyi, Landa yuma yize tunafupu ha chiwanyino; hanji ahane chimwe kuli yiswale.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 10:4

Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

1 Timoteu 6:18

Akalinge yipema, akapwe ni yitanga yipema ya kulumbama, akapwe akwa kunyengumuna, akwa kulianyina,

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Tiangu (Jake) 2:14

Kufumbuka chika, mandumbu jami, kachi umwe mamba ngwenyi, Ufulielo nguli nawo, aiioze keshi yitanga? Ufulielo muuhasa kumulamwina, nyi?

1 Yoano 3:17

Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye?

1 Yoano 4:20

Kachi umwe mamba ngwenyi, Ngunazange Zambi, hindu mapwa ni kole ni ndumbwenyi, iye mukwa mahuza; mumu yoze keshi kuzanga ndumbwenyi yoze hanamumono, ngwe kuchi mahasa kuzanga Zambi yoze kamumweneko.