Luka 24:48 - MUKANDA USANDU WA ZAMBI 1975

⁴⁸ Yenu nuli yela ja yino yuma.

Mukanda Wa Zambi 1970

⁴⁸ Yenu nuli yela ja yuma yize.

Luka 24:48 Iomraidhean Croise

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 10:39

Yetu tuli yela ja yuma yize yeswe alingile, ni mu chifuchi cha A-Yunda, ni mu Yerusaleme; iye amushihile, nikumuzezeleka ha mutondo.

Yilinga 10:41

hi kuli atu eswe ko, alioze kuli yela waze Zambi waatongwele kushi, yetu twalile, twanwine hamwe nenyi muze te hahinduka hakachi ka afu.

Yilinga 13:31

iye wamonekene matangwa anji kuli waze akandukile hamwe nenyi ku Ngalileya, ndo ku Yerusaleme, aze haliapwila anapu yela jenyi kuli atu.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 22:15

Mumu kumukapwa chela hali iye kuli atu eswe, ha chize hiwamona, ni chize hiwevwa.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 4:33

Mba ni tachi jinene apostolo asele Shindakenyo yo ha Uhindukilo wa Mwene Yesu, ni vumbi linene liapwile hali ayo eswe.

Yilinga 5:32

Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka: