Luka 24:44 - MUKANDA USANDU WA ZAMBI 1975

⁴⁴ Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Mukanda Wa Zambi 1970

⁴⁴ Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Luka 24:44 Iomraidhean Croise

Ubutukilo 14:18

Melekizeteke mwanangana wa Saleme yaneha mbolo ni vinyu, iye te sasendote ya Zambi Chitunda.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Miaso (Masamu) 118:22

Liwe lize alitunyine tungi, hilinapu lia helu lia mbango.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 33:14

Yehova kanambe ngwenyi, Matangwa kaneza muze mungumanuna chilakenyo chize nalakenyene ni munyachi wa Izalele, ni munyachi wa Yunda.

Ezekiel 17:22

Mwene Yehova kanambe ngwenyi, Yami mwene mungukanda kamutango kalelu ka ku songo lia helu lia musedru; mungukautumba. Mungukamakuna hakachi ka mitango yaha umwe wa wisu, ni yami mwene mungukautumba ha mulundu umwe usuku chikolo.

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Zakaria 14:4

Ha tangwa lize yiliato yenyi muyikamana ha mulundu wa Olevwe uze uli kulutwe lia Yerusaleme sali lia ku Chivumbuko. Mulundu wa Olevwe muukapulika yihanda yiali chize ku sali lia Chivumbuko ndo ku sali lia Chitokelo ngwe mungulunga unene chikolo, chocho chihanda chimuwika cha mulundu muchisetuka ku Norte ni chihanda chikwo ku Sule.

Zakaria 6:12

ukambe kuli iye ngwe, Yehova-wa-Tujita kanambe ngwenyi, Talenu mwe lunga jina lienyi Mutango; mumu makatatuka muma mwenyi; makatungisa tembele ya Yehova.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Kwalula 21:8

Yehova yamba kuli Mose ngwenyi, Ulifulile kapela wa kahia umunangike ha mutondo usuku, mba mweswawo masumiwa, muze mamutala, kumakatwama ni mwono.

Kwalula 35:25

Chikungulwila chikapulule mukwa kushiha mutu ku kwoko lia mukwa kukala manyinga. Chikungulwila chikamuhilwise ku limbo lienyi lia uchinyino, kuze achi nyinyine, iye akatwamemo ndo ku kufwa cha sasendote wa lutwe, wa kuwayisa ni maji asandu.

Mateu 1:22

Achi, yino yeswe yapwile hanga chikamanunuke chize ahanjikile Mwene ku kanwa lia profeta ngwenyi,

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 26:54

Ngwe kuchi kevwe yisoneko muyimanunuka ngwo, Chocho chatamba kupwa?

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Marku 9:31

Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka.

Luka 21:22

Mumu wano e matangwa a kukala milonga, hanga yuma yize yeswe yinasonewa yikamanunuke.

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Luka 9:22

Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Luka 9:44

Maliji ano anjile mu matwi jenu; mumu kumakakunjika mwe Mwana Mutu mu moko ja atu.

Yoano 3:14

Chizechene ngwe Mose azundwile kapela mu puya, chocho chatamba kuzundula mwe Mwana Mutu;

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yoano 5:46

Mumu kachi nwafulielele Mose, kachi nwangufuliela yami; mumu wasonekene hali yami.

Yilinga 13:33

ngwo, Zambi hanachimanununa kuli yetu ana jo, se wasolwele Yesu; ngwe chinasonewa nawa mu Samu liamuchiali ngwo, Mwanami Yena, tangwa lino hingunakuseme.

Yilinga 13:40

Kanyamenu kashika, kuchina chize anachihanjika mu mikanda ya aprofeta muchikeza hali yenu ngwo;

Yilinga 2:27

mumu yena kuchi kahichika alma yami mu Heteze, chipwe kuchi katayiza Musandu we kumona kupola.

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Yilinga 7:37

Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe.

Hebreu 10:1

Mumu shimbi se yili ni Chizulie cha yuma yipema yize muyizaho, hi we mujimba wene ko wa yuma, kuyahashile nilimwe tangwa ni yitapo yimuwika tangwa ha tangwa, yize akulambula mwaka ha mwaka, kupwisa angunu waze akukundama.

Hebreu 3:5

Ni Mose chamwenemwene wapwile mukwa jika mu zuwo lienyi lieswe, ngwe kavumbi, akapwe Shindakenyo ya yuma yize mayihanjika kulutwe lia miaka yize.

Hebreu 7:1

Mumu yono Melekizeteke, mwanangana wa Saleme, sasendote wa Zambi mwe Chitunda, iye wapatwijile Apalahama ha kuhiluka ku kuhana cha mianangana, Wamuwahishile.

Hebreu 9:8

Spiritu Musandu kanalweze chino ngwenyi, Kanda achisolola jila ya muma musandu mwahiana shimbu te mbalaka yitangu yinamana.

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.