Luka 24:36 - MUKANDA USANDU WA ZAMBI 1975

³⁶ Shimbu machihanjika yino yuma, Yesu Mwene wamanyine mukachi ko, yamba kuli ayo ngwenyi, Sambukila kuli yenu.

Mukanda Wa Zambi 1970

³⁶ Shimbu maachihanjika, Yesu mwene yasoloka mukachi ko, yaamba ngwenyi: “Hwimenu mbunge.”

Luka 24:36 Iomraidhean Croise

Izaya 57:18

Hinamona ndako jenyi, alioze mungumuwuka. Mungumusongwela ni kumwononona ni kulembejeka, kuli iye ni kuli waze akumulilila.

Mateu 10:13

Kachi zuwo mulitela, sambukila yenu yikezeho, alioze kachi kulishi kutela, sambukila yenu yikahilukile kuli yenu.

Marku 16:14

Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka.

Luka 10:5

Mu zuwo heswaho mununjila, nuliange kwamba ngwenu, Sambukila yipwe ku zuwo lino.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yoano 20:26

Kulutwe lia matangwa nake, tumbaji twenyi apwile cheka nawa muchima lia zuwo, ni Tomase hamwe no, mapito te a kwajila. Yesu yeza, yamana mukachi ko, yamba ngwenyi, Sambukila kuli yenu.

Yilinga 1:3

kuli ayo nawa, walisolwele ni mwono ni yinyingi yinji, kulutwe lia lamba lienyi, nikumoneka kuli ayo makumi awana a matangwa, nikuhanjika yuma ya kutwala ku wanangana wa Zambi.

1 Korintu 15:5

amonekene kuli Sefwa; mba kulutwe kuli e kumi ni aali;

1 Korintu 15:7

kulutwe amonekene kuli Tiangu: kulutwe kuli apostolo eswe;

2 A-TESALONIKA 3:16

Haliapwila Mwene wa sambukila iye mwene akanwehe sambukila matangwa eswe mu majila eswe. Mwene apwe hamwe ni yenu eswe.

Usolwelo 1:4

Yami. Yoano ngunasoneka ku yikungulwila shimbiali yize yili mu Eshia: Vumbi kuli yenu ni sambukila ya kuli yoze kwali, yoze wapwile, yoze meza kupwa: ni ya kuli Maspiritu shimbiali waze ali kulutwe lia ngunja yenyi;