Luka 24:32 - MUKANDA USANDU WA ZAMBI 1975

³² O aliambile umwe kuli mukwo ngwo, Mbunge jetu kujevwile chivukuminya muli yetu shimbu ahanjikanga kuli yetu mu jila, shimbu alumbununanga kuli yetu ye yisoneko, nyi?

Mukanda Wa Zambi 1970

³² No yaalihanjikisa ngwo: “Mbunge jetu kujevwile kahia muchima lietu muze te anatuhanjikisa mu jila ni kutulumbunwina Mukanda wa Zambi, nyi?”

Luka 24:32 Iomraidhean Croise

Miaso (Masamu) 104:34

Kupukuna chami chikamuwahile. Yami munguwahilila muli Yehova.

Miaso (Masamu) 39:3

Mbunge yami yasasaminyine muchima. Shimbu napukwine kahia kalengenyene, mba nahanjikile ni limi liami ngwami,

Yishima 27:17

Ngwe chikungo kuchakukalula chikungo, chocho mutu kakukalula meso ja sepa lienyi.

Yishima 27:9

Maji ni yitumbo ya lupembo kuyakuwahisa mbunge, chocho kuwaha cha kasendo ka mutu chize muchikatuka ku yiyulo ya mu mbunge.

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Jeremia 15:16

Yawana maliji je, mba naalia, ni maliji je alumukine kuli yami uwahililo ni chiseke cha mbunge yami, mumu hanangutuku jina lia yena, Yehova Zambi-ya-Tujita.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 23:29

Yehova kanambe ngwenyi, Liji liami linapu ngwe kahia, ngwe muhato wa kupatula mawe tuyipalupalu.

Marku 4:34

kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.

Luka 24:45

Hohene walawishile kunyonga cho, hanga anyingike ye yisoneko;

Yoano 6:63

Yoze wakupwisa ni mwono, mwe Spiritu; musunya kuushi kufumbuka nichimwe; maliji aze ngunahanjika kuli yenu, Spiritu ni mwono.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Hebreu 4:12

Mumu liji lia Zambi mwono likwete, kuliakulinga ni tachi, linambuka kuhiana mukwale, nikutuwa ndo ku kuhandununa cha alma ni spiritu, ni ku makonekeno ni usongosongo, kuliakusa chinyingi ha manyonga ni kukana cha mu mbunge.