Luka 24:27 - MUKANDA USANDU WA ZAMBI 1975

²⁷ Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Mukanda Wa Zambi 1970

²⁷ Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Luka 24:27 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Miaso (Masamu) 132:11

Chamwenemwene Yehova hanalishingi kuli David, kechi kutewulukako, ngwenyi, Wa kuli ana a kusema yena, mungusa ha ngunja ye.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 50:6

Nahanyine nyima yami kuli akwa kulamba, nahanyine matafu jami kuli akwa kusuta wevu. Chaswekele meso jami ku sonyi ni mate.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Izaya 8:17

Mungutwaminyina Yehova, yoze unaswekela meso jenyi munyachi wa Yakomba. Muli iye mungutalatala.

Izaya 9:1

Kukuchi kupwa milima kuli yoze wapwile mu hunya. Kunyima te wakokele chifuchi cha Zapulone ni cha Napatali mu sau, alioze mu matangwa a kusula kumakasa uhenya ha jila ya ku kalunga-lwiji, chifuchi cha sali lize lia Yordau, Ngalileya ya mavungu.

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Ezekiel 37:25

Kumakatwama mu chifuchi kuze tulamba twenu atwamine, chize nahanyine kuli kavumbi kami Yakomba. O, ni ana jo, ni ana ja ana jo kumakatwamamo ndo ku miaka yeswe, ni kavumbi kami David kumakapwa mwe mulemu ndo ku miaka yeswe.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Mika 5:6

O makayula chifuchi cha Asuria ni katana, ni chifuchi cha Nimorote machiyula ni katana wa kutomona. Makatupulula kuli A-Asuria muze manjila mu chifuchi chetu nikuliata muchima lia njiza yetu.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Kwalula 21:14

Kashika kanambe mu mukanda wa Jita ya Yehova ngwo, Ku Vahebe mu Sufa, ni mu yikuto ya Amone,

Marku 4:34

kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 1:45

Fwilipe yawana Natanele, yamba kuli iye ngwenyi, Hitunawane yoze asonekene Mose mu mikanda ya shimbi, ni aprofeta nawa, Yesu wa ku Nazare, mwana José.

Yoano 12:41

Yino yuma ambile Izaia, mumu wamwene uhenya wenyi; wahanjikile ha kutwala kuli iye.

Yoano 5:37

Ni mwe Tata yoze wangutumine, iye mwene hanashindakenya hali yami. Chipwe kunwevwile liji lienyi niumwe mwaka, chipwe kunwamwene kusoloka chenyi.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yilinga 10:43

Kuli iye aprofeta eswe kakushindakenya ngwo, Ku jina lienyi mweswawo mamufuliela makatambula ukonekeno wa milonga.

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Yilinga 3:22

Mose chamwenemwene wambile ngwenyi, Mwene Zambi yenu kumakasolola profeta kuli yenu wa kuli usoko wenu, wa kulifwa ni yami; iye nukamwivwe ha yu ma yeswe makamba kuli yenu.

Yilinga 3:24

Chamwenemwene aprofeta eswe, chize kuli Samuel ni waze akuhata kulutwe, waze eswe ahanjikile, ambulwile nawa matangwa ano.

Yilinga 7:37

Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe.

Yilinga 8:35

Fwilipe Wapakwile kanwa lienyi, iye, nikuputuka ku chisoneko chino, wamwambulwilile sango lipema lia Yesu.

Shimbi 1:45

Yenu nwahilukile, yinulila kumeso ja Yehova; alioze Yehova kapanjikile ku liji lienu, chipwe kanuvwile.

Shimbi 18:15

Yehova Zambi yenu kumakanusolwela profeta umwe hakachi kenu wa kuli usoko wenu, malifwa ni yami. Munukamupanjika iye;

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.