Luka 23:51 - MUKANDA USANDU WA ZAMBI 1975

⁵¹ (Yono katayijile ku upatwilo wo ni chitanga cho), wa ku Arimatea, limbo lia mu Yunda; mwenawo wapwile nikutatatata wanangana wa Zambi:

Luka 23:51 Iomraidhean Croise

Ubutukilo 49:18

Yehova, ngunatwaminyina ulamwino we.

Kutuhuka 23:2

Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Yishima 1:10

Mwanami, nyi yivulumunyi makuzeza kanda utá.

Izaya 8:12

Chize wano atu matongola ngwo, Utwahe, kanda uchitongola yena ngwe, Utwahe. Chize o mavwila woma, kanda uchivwila woma yena, chipwe kwivwa mwongo.

Mateu 27:57

Achi, muze hapwile chingoloshi, umwe pichi wa ku Arimatea wejile, jina lienyi José, iye nawa wapwile kambaji ka Yesu.

Marku 15:43

José wa ku Arimatea, mukwa kuyula mulemu, iye nawa wapwile nikutatatata wanangana wa Zambi; iye nikuhunuka, wanjilile kuli Pilatu, wechile mujimba wa Yesu.

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Luka 2:38

Iye, nikukanduka ha ola yize yene, wasakwililile Zambi, wahanjikile ha kutwala kuli iye kuli waze eswe ataliletalile ukule wa Yerusaleme.

Luka 23:42

Iye wambile kuli Yesu ngwenyi, Mwene, ngwiwuluke kama muze muwiza mu wanangana we.

Luka 23:52

yono wayile kuli Pilatu mukwita mujimba wa Yesu.

1 Samuel 1:1

Kwapwile umwe lunga wa Ramataime-Zofime mu chifuchi cha Eframe ku milundu, jina lienyi Elekana, mwana wa Jerohame, mwana wa Elihu, mwana wa Tohu, mwana wa Zufu, Ka-Eframe.