Luka 23:5 - MUKANDA USANDU WA ZAMBI 1975

⁵ Alioze ashinjikile kuhiana chikolo, ngwo, Kakuvundula atu eswe, nikulongesa kweswe mu Yundeya, nikuputuka ku Ngalileya ndo ku kuno.

Mukanda Wa Zambi 1970

⁵ Alioze yaashindakenya kuhiana ngwo: “Kakuvundula atu ni longeso lienyi! Hanabutuka mu chifuchi cha Galilea, hanabalika mu chifuchi cheswe cha Yudea, ni haliabwila haneza ndoo kuno.”

Luka 23:5 Iomraidhean Croise

Miaso (Masamu) 22:16

Mumu tuwa hanangujingilika. Chikungulwila cha yingulungulu hanangusela. Atuwile moko jami ni yiliato yami.

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Mateu 11:1

Muze te Yesu hamanununa kuhana shimbi kuli tumbaji twenyi kumi ni aali, wakatukile kuze mukulongesa nikwambujola mu membo jo.

Mateu 2:1

Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Mateu 27:24

Achi, muze Pilatu amwene ngwe kalingile nichimwe, alioze te mukupwa zungo, wanjile meya, wasanyine ku moko jenyi kumeso ja mbunga, ngwenyi, Ngunasambe ku manyinga ja yono mukwa ululi, chitalenu yenwene.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Marku 1:14

Achi, muze te hakunjika Yoano ku zuwo lia ususu, Yesu wejile ku Ngalileya, nikwambujola sango lipema lia wanangana wa Zambi.

Luka 11:53

Muze te hatuhukamo, akwa kusonyeka ni A-Fwariseu aputukile kumushinjila chikolo nikumusungasunga ahanjike yuma yinji;

Luka 23:23

Alioze ashinjikile ni kukololoka chinene, nikumwita akamuhachile ha kulusu. Ni maliji jo akumbile.

Luka 23:6

Alioze muze Pilatu evwile ngwo, Ngalileya, wahulile kachi mwe lunga, Ka-Ngalileya.

Yoano 1:43

Muze hikwacha, Yesu wazangile kuya ku Ngalileya, iye yawana Fwilipe; yamba kuli iye ngwenyi, Ngukaule.

Yoano 19:15

O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 7:41

Akwo ambile ngwo, Yono mwe Kristu. Alioze akwo ambile ngwo, Kuma, Kristu makatuka ku Ngalileya, nyi?

Yoano 7:52

Amukumbulwile ngwo, Yena nawa uli wa ku Ngalileya, nyi? Hengula, utale, ku Ngalileya keshi kukatuka profeta niumwe.

Yilinga 10:37

Liji lize nunanyingika yenwene ngwami, Lize liafumanyine ndusu mu Yundeya mweswe, nikuputuka ku Ngalileya, chize ku upapachiso uze ambujolele Yoano;

Yilinga 23:10

Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.

Yilinga 5:33

Alioze, muze evwile chino, alichokele mu mbunge, azangile kwashiha.

Yilinga 7:54

Achi, muze evwile yino yuma, alichokele mu mbunge, alikopwele ku mazo hali iye.

Yilinga 7:57

Alioze akololokele ni liji linene, ajikile matwi jo, alundumukine hali iye ni mbunge yimuwika;