Luka 23:42 - MUKANDA USANDU WA ZAMBI 1975

⁴² Iye wambile kuli Yesu ngwenyi, Mwene, ngwiwuluke kama muze muwiza mu wanangana we.

Mukanda Wa Zambi 1970

⁴² Mba yambila Yesu ngwenyi: “Yesu, Ungwiwuluka kama muze muukeza mu Wanangana we!”

Luka 23:42 Iomraidhean Croise

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Luka 12:8

Alioze ngunambe kuli yenu ngwami, Mweswawo mangutayiza kumeso ja atu, mwe Mwana Mutu kumakamutayiza nawa kumeso ja angelo ja Zambi.

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Luka 23:41

Yetu chamwenemwene chinatute; mumu tunatambula fweto ya kutela yitanga yetu; alioze yono kalingile nichimwe cha kupiasuka.

Luka 23:43

Wambile kuli iye ngwenyi, Pundu, ngwami, Musono uno kumukapwa hamwe ni yami mu Paraisu.

Luka 24:26

Te kuchatambile Kristu kwivwa lamba lia yino yuma, nikunjila mu uhenya wenyi, nyi?

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 20:28

Tomase wamukumbulwile ngwenyi, Mwene wami kanda Zambi yami.

Yilinga 16:31

O ambile ngwo, Fuliela Mwene Yesu Kristu, mba kumakakulamwina, yena ni akwa zuwo lie.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.