Luka 23:40 - MUKANDA USANDU WA ZAMBI 1975

⁴⁰ Alioze mukwo nikukumbulula wamukanjishile ngwenyi, Yena kushi woma chipwe wa Zambi, nyi? Se uli ni uhiso umuwika.

Mukanda Wa Zambi 1970

⁴⁰ Alioze chingulungulu mukwo yamukanjisa ngwenyi: “Yena kuushi kuvwila Zambi woma, nyi? Yetu tuli nenyi mu ubatwilo umuwika,

Luka 23:40 Iomraidhean Croise

2 Sango Ja Mianangana 28:22

Ha miaka ya kupinda chenyi (yono mwene mwanangana Ahaze) yatangula kuhiana shimbi ja Yehova.

Miaso (Masamu) 36:1

Utanguko wa chingulungulu kuunambe mu mbunge yami ngwo, Kukushi woma wa Zambi kumeso jenyi.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Alevi 19:17

Kanda uswekela mukwenu kole mu mbunge ye, alioze hanjika nenyi kuchina musala ni mulonga mumu hali iye.

Mateu 20:9

Muze waze aalakenyene ha ola kumi ni kashi ejile, atambwile mutu ni mutu lumbongo.

Mateu 8:26

Neye yamba kuli ayo ngwenyi, Kuchi te nunevu woma, yenu akwa Ufulielo ukepe? Hohene wakatukile, Wámbilile fuji ni meya, mba kwaholele kúlú.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Luka 23:39

Mba umwe wa kuli yingulungulu waze aasukikile, wamusawile ngwenyi, Kachi mwe Kristu yena, Ulamwine yena mwene ni yetu nawa.

Luka 23:41

Yetu chamwenemwene chinatute; mumu tunatambula fweto ya kutela yitanga yetu; alioze yono kalingile nichimwe cha kupiasuka.

Efesu 5:11

Kanda nuliendela ni yitanga ya kuseka ya milima, alioze Shinaho kuyikanjisa.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 16:11

O ashililikile Zambi wa mwilu mumu ha yikola yo ni yilonda yo, hindu kalikonyekeneko ha yitanga yo.