Luka 23:4 - MUKANDA USANDU WA ZAMBI 1975

⁴ Pilatu wambile kuli asasendote akwa lutwe ni mbunga ngwenyi, Chawanyine chitela nichimwe muli yono mutu.

Mukanda Wa Zambi 1970

⁴ Mba Pilatu yambila mahako a lutwe a Zambi ni mbunga ngwenyi: “Chawanyine chitela nichimwe cha kuhishila mutu yono.”

Luka 23:4 Iomraidhean Croise

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Marku 15:14

Pilatu wambile kuli ayo ngwenyi, Kuchi te, chipi chika hanalingi? Alioze akololokele kuhiana ngwo, Muhachilenu ha kulusu.

Luka 23:22

Iye wambile kuli ayo chisuho chamuchitatu ngwenyi, Kuchi te, chipi chika hanalingi? Chawanyine chitela cha kufwa muli iye, nichimwe; mungumulamba ni shikote, ngumutusule.

Yoano 18:38

Pilatu yamba kuli iye ngwenyi, Umwenemwene kuchi upwa? Muze te hamba chino, watuhukile kuli A-Yunda, yamba kuli ayo ngwenyi, Chawanyine chitela nichimwe muli iye.

Yilinga 25:25

Alioze nawanyine ngwe kalingile nichimwe cha kutela kufwa. Se iye mwene waukunjikile kuli Angusetu, napatwile kumutuma.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

1 Petulu 1:19

aiioze ni manyinga alemu a Kristu, ngwe a mwanapanga keshi kapalia, keshi chipeka.

1 Petulu 2:22

Iye kavulumwineko, chipwe mu kanwa lienyi kawanyinemo kalimbalimba.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.