Luka 23:34 - MUKANDA USANDU WA ZAMBI 1975

³⁴ Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Mukanda Wa Zambi 1970

³⁴ Yesu yalemba ngwenyi: “Tata, akonekene kama, mumu kaanyingikine chize analingi.” No yalitetela mahina jenyi ni kuta chela.

Luka 23:34 Iomraidhean Croise

Ubutukilo 50:17

Ambenu kuli José ngwenu, Ukonekene kama mutonga wa ayayenu ni shili yo ha kukulinga chipi. Kashika tunaliumbu, utukonekene mulonga wetu, yetu ngamba ja Zambi ya tatenu. José yalila muze ahanjikile chocho.

Miaso (Masamu) 22:18

Kanalianyina mazalo jami hakachi ko; ha chikuto chami kanate chela.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 11:26

Ewa, Tata, mumu chocho chakupemenene.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Marku 15:24

O yamuhachila ha kulusu, yalianyina mahina jenyi hakachi ko, nikuta chela chize mweswe matambula.

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 17:9

Ngunalembe hali ayo; chishi kulemba hali akwa hashi, alioze hali waze hiunangwehe; mumu nie.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Yilinga 16:28

Alioze Paulu wakololokele ngwenyi, Kanda ulilinga chipi, mumu yetu eswe muno mutuli.

Yilinga 3:17

Haliapwila, mandumbu, ngunanyingika nwachilingile ni kwalajala, ngwe nawa akwa kuyula jenu;

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

A-ROMA 12:14

Wahisenu waze akunuhungumiona, wahisenu, kanda nushingana.

1 Korintu 2:8

Aze niumwe wa kuli miata ja mwakono kaanyingikineko, mumu kachi aanyingikine, kachi kahachilile ha kulusu Mwene wa uhenya.

1 Korintu 4:12

twakukilikita, nikulinga milimo ni moko ja yetwene; kakututuka, etu twakuwahisa; kakutuhungumiona, etu twakulihumikiza;

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

1 Petulu 3:9

Kanda nufwetesa yipi ni yipi, hanji kutukana ni kutukana, aiioze Shinaho ni uwape; mumu ha chino hananutambika, hanga nukahinge uwape.