Luka 23:2 - MUKANDA USANDU WA ZAMBI 1975

² O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Mukanda Wa Zambi 1970

² yaabutuka kumusuma ngwo: “Tunakawana lunga yono nikubinjisa atu jetu, ngwenyi: ‘Kanda nulambula mwanangana wa Aroma lijimu.’ Ni kakulipwisa iye mwene Kristu, mwanangana.”

Luka 23:2 Iomraidhean Croise

1 Yitanga Ya Mianangana 18:17

Ha kumumona Ahabe yamba kuli Eliya ngwenyi, Ena mukwa kupinjisa A-Izalele, kuma yena mwene nyi?

Miaso (Masamu) 35:11

Akwa kushindakenya mahuza kanasoloka, kanangulamikiza yuma chayinyingikine.

Miaso (Masamu) 62:4

Kakutwama punga chuma chimuwika akamunungune ku upeme wenyi. Kakuwahilila ni mahuza. Kakuwahisa ni makanwa, alioze muchima kakutuka.(Litulike.)

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Amose 7:10

Henaho Amazia sasendote wa Mbetele yatuma kuli Jeroboame mwanangana wa Izalele ngwenyi, Amose hakutwama punga hakachi ka munyachi wa Izalele, ni chifuchi kuchichi kuhasa kujikiza ni maliji jenyi eswe.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Mateu 17:27

Alioze hanga kutuchi kaatalingisa, yako ku Chitende, ukambile kazambu, ukoze yishi yoze mutangu matutuka; mba muze hiwapakula kanwa lienyi, kumukawana lumbongo: ukamumbate, ukamuhane kuli ayo hali yami ni yena.

Mateu 22:21

Ngwo, Cha Sesare. Hohene yamba kuli ayo ngwenyi, Hanenu kevwe kuli Sesare yuma ya Sesare; ni kuli Zambi yuma ya Zambi.

Mateu 27:11

Alioze Yesu wamanyine kumeso ja nguvulu: nguvulu wamuhulile ngwenyi, Yena uli mwanangana wa A-Yunda, nyi? Yesu wambile kuli iye ngwenyi, Yena wachamba.

Marku 12:17

Yesu wambile kuli ayo ngwenyi, Hanenu kuli Sesare yuma ya Sesare, ni kuli Zambi yuma ya Zambi. O amukomokene chikolo.

Marku 15:2

Pilatu wamuhulile ngwenyi, Mwanangana wa A-Yunda, yena nyi? Iye wamukumbulwile, ngwenyi, Yena wachamba.

Luka 23:14

wambile kuli ayo ngwenyi, Nwanehanga kuli yami yono mutu, ngwe umwe wakuhengesa atu; alioze yami, se namusopesanga kumeso jenu, chawanyine chitela nichimwe muli yono mutu, ha kutwala ku yize yuma nunamusumu nayo.

Luka 23:5

Alioze ashinjikile kuhiana chikolo, ngwo, Kakuvundula atu eswe, nikulongesa kweswe mu Yundeya, nikuputuka ku Ngalileya ndo ku kuno.

Yoano 18:29

Pilatu kashika watuhukile kuli ayo, wambile ngwenyi, Mulonga uka nunasumu yono mutu?

Yoano 18:30

Amukumbulwile ngwo, Kachi yono kapwile chingulungulu kachi kutwamukunjikile kuli yena.

Yoano 19:12

Ha kwivwa chocho Pilatu wafupile kumutusula, alioze A-Yunda akololokele ngwo, Kachi mutusula yono, kachi hi uli kasendo ka Sesare ko. Mweswawo malipwisa mwanangana, mahanjika cha kulimika ni Sesare.

Yilinga 24:13

Chipwe yinyingi ya yuma yize anangusumu nayo haliapwila, kahashile kuyisolola.

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

A-ROMA 13:7

Hanenu kashika kuli eswe yize Chanutamba kuhana kuli ayo; milambu kuli akwa kutela milambu; lijimu kuli akwa lijimu; woma kuli waze chatamba kwavwila woma; ulemu kuli akwa kutela ulemu.