Luka 23:11 - MUKANDA USANDU WA ZAMBI 1975

¹¹ Heronde hamwe ni mbunga ya maswalale jenyi amulelesele, amulenyene, nikumujika hina lia mukambo lia uhenya, amuhilwishile nawa kuli Pilatu.

Mukanda Wa Zambi 1970

¹¹ Herode ni tujita twenyi yaamukekuna, yaamulelesa, yaamujika hina lia lubula, yaamuhilwisa maha Pilatu.

Luka 23:11 Iomraidhean Croise

Miaso (Masamu) 22:6

Alioze yami nguli katutu, hi nguli mutu ko. Malunga kakunguchoka, atu kakungulelesa.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Mateu 14:1

Ha mwaka uze nguvulu Heronde wevwile lufuma wa Yesu,

Mateu 14:3

Mumu te Heronde wakwachile Yoano kulu, wamukashile, wamusele mu zuwo lia ususu, mumu hali Herondeya, pwo lia mwanakwo Fwilipe.

Mateu 14:6

Alioze muze tangwa lia kusemuka cha Heronde liahetele, mwana Herondeya wa pwo, wahanganyine mukachi ko, neye wapemenene kuli Heronde.

Marku 9:12

Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko?

Luka 23:10

Asasendote akwa lutwe ni akwa kusonyeka amanyine nikumusuma chikolo.

Yoano 19:5

Yesu kashika watuhukile haze, kanazala chipangula cha mbimbo ni hina lia ufungo. Pilatu yamba kuli ayo ngwenyi, Talenu, mwe mutu!

Tiangu (Jake) 2:2

Mumu kachi umwe lunga manjila mu sunangonga yenu kanazala kazeya ka oru, ni hina lia mukambo lia kutemuka, ni chiswale manjila nawa kanazala mazalo api,

Tiangu (Jake) 2:3

nyi munutala kuli yoze unazala hina lia mukambo wa kutemuka, munwamba ngwenu, Twama yena hano hapema; munwamba kuli chiswale ngwenu, Yena mana aku, hanji ngwenu, Twama kushi lia chitwamo cha yiliato yami;