Luka 22:8 - MUKANDA USANDU WA ZAMBI 1975

⁸ Iye watumine Petulu ni Yoano, ngwenyi, Yénu, nukatuluiikile Chizomboka, hanga tukalie.

Mukanda Wa Zambi 1970

⁸ Yesu yatuma Petulu ni Yoano ngwenyi: “Yeenu nutululikile yakulia ya kwiwuluka kubalika.”

Luka 22:8 Iomraidhean Croise

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Luka 22:9

O ambile kuli iye ngwo, Kulihi unazange yetu tukachilulike?

Yilinga 3:1

Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa.

Yilinga 3:11

Shimbu akwachile Petulu ni Yoano, atu eswe azombokele nikulikungulula kuli ayo mushi lia Senge jina lialio Lia Solomone, nikukomoka chikolo.

Yilinga 3:3

iye nikumona Petulu ni Yoano himanjila mu tembele, waechile yawana.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

Yilinga 8:14

Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.