Luka 22:70 - MUKANDA USANDU WA ZAMBI 1975

⁷⁰ O eswe ambile ngwo, Mwe Mwana Zambi yena, nyi? Iye wambile kuli ayo ngwenyi, Chize yenu nunambe pundu, yami nguli.

Mukanda Wa Zambi 1970

⁷⁰ Eswe yaamuhula ngwo: “Kuma, mwe Mwana Zambi yena, nyi ka?” Neye yaakumbulula ngwenyi: “Chochene nwamba.”

Luka 22:70 Iomraidhean Croise

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Mateu 26:25

Yundase yoze wamukunjikile, wakumbulwile ngwenyi, Longeshi, yami nyi? Yamba kuli iye ngwenyi, Yena wachamba.

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Mateu 27:11

Alioze Yesu wamanyine kumeso ja nguvulu: nguvulu wamuhulile ngwenyi, Yena uli mwanangana wa A-Yunda, nyi? Yesu wambile kuli iye ngwenyi, Yena wachamba.

Mateu 27:43

Wakolelele hali Zambi; amupulule haliapwila kachi anamuzange: mumu wambile ngwenyi, Yami nguli mwe Mwana Zambi.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Marku 14:62

Yesu wambile ngwenyi, Yami nguli: kumunukamona mwe Mwana Mutu kanatwama ku chindume cha tachi, kaneza ni malelwa a mwilu.

Marku 15:2

Pilatu wamuhulile ngwenyi, Mwanangana wa A-Yunda, yena nyi? Iye wamukumbulwile, ngwenyi, Yena wachamba.

Luka 22:71

O ambile ngwo, Kuchi tunafupu nawa ha Shindakenyo, mumu yetwene hitwevwa ku kanwa lienyi mwene?

Luka 23:3

Pilatu wamuhulile ngwenyi, Mwanangana wa A-Yunda yena, nyi? Iye wakumbulwile ngwenyi, Yena unambe.

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Yoano 1:34

Hingunamono; hingunashindakenya ngwami, Yono mwe Mwana Zambi.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 10:30

Yami ni Tata tuli umuwika.

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.