Luka 22:52 - MUKANDA USANDU WA ZAMBI 1975

⁵² Hohene Yesu wambile kuli asasendote akwa lutwe ni tupitau twa tembele, ni makulwana, waze ejile hali iye, ngwenyi, Nunejila ngwe hali muhuza ni tutana ni mitondo, nyi?

Mukanda Wa Zambi 1970

⁵² Mba Yesu yambila mahako a lutwe, ni makulwana ja tufunga twa zuwo lia Zambi ni makulwana waze ejile ni kumukwata ngwenyi: “Nuneza ni mikwale ni kanda ni kungukwata ngwe nguli muhuza, nyi?

Luka 22:52 Iomraidhean Croise

1 MIANANGANA 11:15

Sasendote Jehoiada yatuma tupitau twa makulakaji, waze haasela hali tujita, ngwenyi, Muchizenu haze lia ngango, mba mweswawo mamukaula mushihenu ni katana. Mumu sasendote te hamba ngwenyi, Kanda amushihila mu zuwo lia Yehova.

Mateu 26:47

Shimbu machihanjika, Yundase, umwe wa kuli kumi ni aali, wejile, ni hamwe nenyi mbunga yinene ni tutana ni mbwechi, a kuli asasendote akwa lutwe ni makulwana ja atu.

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Luka 22:4

Iye wayile akahanjike ni asasendote akwa lutwe ni tupitau ngwe chize mamukunjika kuli ayo.

Luka 22:51

Alioze Yesu wakumbulwile, ngwenyi, Atayize chocho wika. Iye wasele minwe yenyi ha twitwi lienyi, wamuwukile.

Luka 22:53

Muze napwile hamwe ni yenu tangwa ha tangwa mu tembele, kunwangukwachile: alioze ola yino niyenu, ni ya je tachi ja milima.

Yoano 17:12

Muze napwile hamwe no hashi, naatangile mu jina lie waze hiunangwehe: naalayile, mba niumwe wa kuli ayo watokele, shina mwe mukwa utoke; hanga chisoneko chikamanunuke.

Yilinga 5:26

Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.