Luka 22:44 - MUKANDA USANDU WA ZAMBI 1975

⁴⁴ Iye nikupinda, walembele ni mbunge yeswe kuhiana, ni matukuta jenyi apwile ngwe masoto anene a manyinga anasotwoka hashi.

Mukanda Wa Zambi 1970

⁴⁴ Yesu yabinda kuhiana nikulemba ni mbunge yeswe. Matukuta jenyi yaasotwoka hashi ngwe manyinga.]

Luka 22:44 Iomraidhean Croise

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Luka 22:45

Iye muze akatukile ku kulemba chenyi, wayile kuli tumbaji twenyi, waawanyine mu tulo mumu ha chinyengo.

Yoano 12:27

Haliapwila mbunge yami yinalipikala, kuchi mungwamba? Tata, ngulamwine ku ola yino. Alioze ha chikuma chino hineza ku ola yino.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.