Luka 22:42 - MUKANDA USANDU WA ZAMBI 1975

⁴² Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Mukanda Wa Zambi 1970

⁴² ngwenyi: “Tata, nyi unazange nguchize kama musenge uno wa lamba. Hindu kanda chibwa ngwe chize ngunazange yami, alioze ngwe yena unazange.” [

Luka 22:42 Iomraidhean Croise

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Izaya 51:17

Ena Yerusaleme hiwanwa ku kwoko lia Yehova we musenge wa ufwatulo wenyi, hiwanwa ndo ku yishikwa musenge wa kupiepietesa. Kasumuka! Kasumuka umane ha molu.

Izaya 51:22

Mwene we, Yehova Zambi ye, mukwa kuhakwila atu jenyi kanambe ngwenyi, Hinachiza ku kwoko lie we musenge wa kupiepietesa, musenge wa ufwatulo wami kuchi kuunwa nawa.

Jeremia 25:15

Yehova Zambi ya Izalele kanambe kuli yami ngwenyi, Tambula ku kwoko liami musenge uno wa vinyu ya ufwatulo ukanwise mavungu eswe kuze ngunakutumu.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 11:26

Ewa, Tata, mumu chocho chakupemenene.

Mateu 20:22

Alioze Yesu wakumbulwile ngwenvi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi? Ngwo, Mutuhasa.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Mateu 26:44

Waahichikile cheka nawa, wayile, walembele chisuho chamuchitatu, nikwamba maliji wo ene.

Mateu 6:10

Wanangana we wize. Upale we ulingiwe hashi chizechene ngwe unalingiwe mwilu.

Marku 14:36

Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale.

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Yoano 18:11

Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yilinga 21:14

Muze katayileko, twaholele, ngwetu, Upale wa Mwene ukalingiwe.