Luka 22:40 - MUKANDA USANDU WA ZAMBI 1975

⁴⁰ Muze aheteleko, wambile kuli ayo ngwenyi, Lembenu hanga kunuchi kanjila mu cheseko.

Mukanda Wa Zambi 1970

⁴⁰ Muze haheta ko, yaamba ngwenyi: “Lembenu hanga kunuchi kunjila mu cheseko.”

Luka 22:40 Iomraidhean Croise

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

Miaso (Masamu) 119:133

Kolesa kama shimbo jami mu liji lie. Kanda utayiza uhenge kunguyula.

Miaso (Masamu) 17:5

Shimbo jami jinalalaminya ku majila je, yiliato yami kuyasenunukine.

Miaso (Masamu) 19:13

Chinda kama kavumbi ke ku milonga ya kulengumuka; kanda yinguzeyesa. Chocho mungupwa mungunu, chichi kuvulumuna mulonga unene.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Luka 11:4

Utukonekene kama milonga yetu; mumu yetu nawa twakukonekena mweswe uli ni kongo kuli yetu. Kanda ututwala kama ku cheseko, alioze tupulule kama kuli mwe mupi.

Luka 22:46

Iye wambile kuli ayo ngwenyi, Kuchi te nuli mu tulo? Katukenu, nulembe, hanga kunuchi kanjila mu cheseko.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.