Luka 22:32 - MUKANDA USANDU WA ZAMBI 1975

³² Alioze naliumbile hali yena, hanga Ufulielo we kuuchi kahwa; ni yena muze hiwalumuka, ukajikijise mandumbu je.

Mukanda Wa Zambi 1970

³² Alioze naliumbile hakutwala kuli yena, hanga kuuchi kahona ufulielo. Mba muze muukahiluka kuli yami, kolesa akwenu.”

Luka 22:32 Iomraidhean Croise

Mateu 18:3

Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mateu 26:75

Petulu wewulukile liji lize amwambile Yesu ngwenyi, Shimbu ndemba kanda achitambika, kumukalikala yami katatu. Watuhukile, Walilile chikolo.

Marku 14:72

Chisuho chamuchiali ndemba watambikile. Petulu wewulukile liji, ngwe amwambile Yesu ngwenyi, Shimbu ndemba kanda achitambika kaali, kumukalikala yami katatu. Muze achinyongene, Walilile.

Marku 16:7

Alioze yénu, nukambulwile tumbaji twenyi ni Petulu, ngwenu, Manutetekela ku Ngalileya; kuze munukamumona, ngwe ambile kuli yenu.

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Yoano 14:19

Shimbu likepe wika ni akwa hashi kechi kangumona; alioze yenu munungumona: se yami nguli ni mwono, ni yenu nawa kumunukapwa ni mwono.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

A-ROMA 8:34

Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi?

2 Timoteu 2:18

Ano ha kutwala ku umwenemwene hanapiasuka, ngwo, Uhindukilo hiwapalika kulu, kanalimbwisa Ufulielo wa amwe.

Titu 1:1

Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

1 Petulu 1:1

Yami Petulu, postolo wa Yesu Kristu, Kuli njize waze anamwangashana mu yifuchi ya Ponto, Ngalashia, Kapatoshia, Eshia, ni Mbitiniya;

1 Petulu 1:13

Kashika, jichikenu miya mu zalilo ja kunyonga chenu, keyelenu, nukataletale ndo ku songo ha vumbi lize makalineha kuli yenu ha usolwelo wa Yesu Kristu.

1 Petulu 1:5

Yenu kananufungu ni tachi ja Zambi ku Ufulielo, ha ulamwino, himausolola ha mwaka wa kusula.

2 Petulu 3:14

Kashika, akwetu a zango, se nwakutalatala yino yuma, lipupwisenu hanga akanuwane kuli iye ni sambukila, kunushi chipeka hanji kapalia.

1 Yoano 2:19

Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko.