Luka 22:30 - MUKANDA USANDU WA ZAMBI 1975

³⁰ Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Mukanda Wa Zambi 1970

³⁰ Munukalia ni munukanwa ku mesa yami mu Wanangana wami. Munukatwama ha yitwamo ya mianangana ni kubatwila mavungu kumi ni aali a Israele.”

Luka 22:30 Iomraidhean Croise

2 Samuel 19:28

Mumu akwa munyachi wa tata eswe twapwile afu kumeso ja mwene wami mwanangana, hindu nwasele yami kavumbi kenu hakachi ka waze akulia ku mesa ya yenu mwene. Kashika te poko nguli nayo kuteta nawa kuli mwanangana?

Miaso (Masamu) 49:14

Ngwe mapanga Zambi hanaasela Shiole. Kufwa muchipwa kafunga ko. Mu kucha akwa ululi makaayula. Upeme wo muuhwa mu Shiole; chihela chawo chakuhi.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Mateu 5:3

Kawaha yiswale mu Spiritu, mumu wanangana wa malilu niwo.

Mateu 8:11

Alioze ngunambe kuli yenu ngwami, Anji a ku Chivumbuko ni ku Chitokelo kumakeza, makatwama ku mesa hamwe ni Apalahama, ni Izake, ni Yakomba mu wanangana wa malilu.

Luka 12:37

Kawaha ndungo aze, mwene muze meza maawana nikulá; pundu ngwami, Kumalijichika muya, maatwamisa ku mesa, makundama, maavumbika.

Luka 14:15

Mba umwe wa kuli waze atwamine ku mesa hamwe nenyi ha kwivwa yino yuma, wambile kuli iye ngwenyi, Kawaha yoze makalia mbolo mu wanangana wa Zambi.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.

Usolwelo 19:9

Iye yamba kuli yami ngwenyi, Soneka ngwe, Kawaha waze hanaatambika ku ulungi wa mwe Mwana-panga. Iye yamba kuli yami ngwenyi, Wano e maliji amwenemwene a Zambi.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.

Usolwelo 4:4

Ha kujingilika ngunja makumi aali a ngunja ni ngunja jiwana: ni ha ngunja makumi aali a makulwana ni makulwana awana kanatwama, kanazala mazalo atoma; ni ha mitwe yo yipangula ya oru.