Luka 22:22 - MUKANDA USANDU WA ZAMBI 1975

²² mumu mwe Mwana Mutu chamwenemwene maya ngwe amuselelecho; alioze lamba kuli yoze mutu mamukunjika!

Mukanda Wa Zambi 1970

²² Chamwenemwene Mwana Mutu kumafwa ngwe chize Zambi hanachibatula, alioze lamba lienyi mutu yoze unamukunjika!”

Luka 22:22 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 26:24

Mwe Mwana Mutu maya chamwenemwene, nikulita ngwe chinasonewa hali iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Mateu 27:5

Aye wambilile mbongo ja prata mu tembele, yakatuka, yaya, yalisukika.

Marku 14:21

Mumu mwe Mwana Mutu maya chamwenemwene ngwe chinasonewa ha kutwala kuli iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Luka 22:23

O aputukile kulihula hakachi ko, yoze hakachi ko malinga chuma chino.

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Yoano 17:12

Muze napwile hamwe no hashi, naatangile mu jina lie waze hiunangwehe: naalayile, mba niumwe wa kuli ayo watokele, shina mwe mukwa utoke; hanga chisoneko chikamanunuke.

Yilinga 10:42

Iye watuhele shimbi mukwambujola kuli atu, nikushindakenya chikolo ngwetu, Yono hanamusela kuli Zambi Sopi ya a mwono ni afu.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.