Luka 22:19 - MUKANDA USANDU WA ZAMBI 1975

¹⁹ Iye wanjile mbolo, ni muze te hasakwila, wayipalwile, waaheleyo, ngwenyi, Yino mujimba wami auhanyine hali yenu: chino lingenu nukangwiwuluke.

Mukanda Wa Zambi 1970

¹⁹ Mba yanda mbolo, yasakwila Zambi, yayibalula, mba yayaha tumbaji twenyi nikwamba ngwenyi: “Mbolo yino yili mujimba wami [uze ngunahane mumu hali yenu. Lingenu chino ni kungwiwuluka.”

Luka 22:19 Iomraidhean Croise

Miaso (Masamu) 111:4

Hanewulula atu yitanga yenyi ya kukomwesa. Yehova mukwa vumbi kanda mukwa keke.

Mwaso Ubema Wahiana 1:4

Ungukoke mutuzomboka kunyima ye. Mwanangana hananguneha ku yipatulo yenyi. Mutulikwiza ni kuwahilila muli yena; mutuhalisa zango lie kuhiana vinyu; chinate akuzange.

Ezekiel 37:11

Mba iye yamba kuli yami ngwenyi, Mwana mutu, yifwaha yino we munyachi weswe wa Izalele. O kakwamba ngwo, Yifwaha yetu hiyoma; kutalatala chetu hichatoka; hanatutetaho ngwi.

Ezekiel 5:5

Mwene Yehova kanambe ngwenyi, Yino ye Yerusaleme; nayisele hakachi ka mavungu, ni kuyijingilika ni yifuchi.

Daniel 2:38

kuli yenu hanakunjika ana ja atu kweswako atwama, ni tushitu a mu yambu, ni tujila a mu tetela, ni kunupwisa mukwa kwayula eswe—yenu nuli we mutwe wa oru.

Mateu 14:19

Wambile mbunga atwame ha mwambu, wanjile mbolo jitano ni yishi aali, nikuhetula meso jenyi kwilu, wawahishile mbolo, wajipalwile, wajihanyine kuli tumbaji, mba tumbaji ajihanyine ku mbunga.

Mateu 15:36

wanjile mbolo shimbiali ni e yishi; wasakwilile, wajipalwile, wajihanyine kuli tumbaji twenyi, ni tumbaji twenyi ajihanyine ku mbunga.

Luka 22:17

Iye wanjile musenge ni muze te hasakwila, wambile ngwenyi, Wenu, nulianyinewo hakachi kenu:

Luka 22:20

Ni musenge chizechene kulutwe lia kulia, ngwenyi, Musenge uno we usendo waha mu manyinga jami, waze anamwangana hali yenu.

Luka 24:30

Muze te hatwama ku mesa hamwe no, wanjile mbolo, wayiwahishile; iye nikuyipalula waaheleyo.

Yoano 6:23

(Alioze mato akwo akatukile ku Taipiria, ahetele hakamwihi no homa haze alilile mbolo, muze te Mwene hasakwila):

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

1 Korintu 10:16

Musenge wa uwape uze twakuwahisa, hi kuhangana cha manyinga ja Kristu ko, nyi? Mbolo yize twakupalula, hi kuhangana cha mujimba wa Kristu ko, nyi?

1 Korintu 10:4

eswe anwine kunwa chimuwika cha uspiritu: mumu anwine ku liwe lia uspiritu lize liaakawile, ni liwe lize liapwile Kristu.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Galashia 4:25

Achi, yono Hekare kanapu mulundu wa Sinai, mu Arabia, kanalite ni Yerusaleme yize ya haliapwila; mumu yili mu undungo hamwe ni ana jenyi.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

1 Tesalonika 5:18

Ha yuma yeswe Sakwilenu; mumu chino we upale wa Zambi muli Kristu Yesu hali yenu.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.