Luka 22:18 - MUKANDA USANDU WA ZAMBI 1975

¹⁸ mumu ngunambe kuli yenu ngwami, Chichi kanwa nichimwe ku mihuko ya vindera chize ku haliapwila ndo wanangana wa Zambi hiweza.

Mukanda Wa Zambi 1970

¹⁸ Mumu ngunanwambulwila ngwami, chichi kanwa nawa vinyu yino ndoo ku tangwa lize Wanangana wa Zambi muukeza.”

Luka 22:18 Iomraidhean Croise

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Izaya 25:6

Ha mulundu uno Yehova-wa-Tujita kumakalinga chiwanyino cha yuma ya maji hali mavungu eswe, te chiwanyino cha vinyu yinenguluka, ni yuma ya maji ya tò ni usongosongo, ni vinyu yinenguluka, ya kupemesa kanawa.

Izaya 55:1

Mweswawo uli ni pwilé! Eze ku meya. Yoze keshi mbongo, tweya ulande ukalie! Tweya ulande vinyu ni yamwa ni mbongo ka, ni ndando ka.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Zakaria 9:15

Yehova-wa-Tujita maafunga; makashiha ni kuliata akwa kukonga mawe. Makanwa manyinga jo ngwe vinyu. Makazala ngwe misenge, ngwe mbango ja chilumbilo ja pwocha ni manyinga.

Zakaria 9:17

Ewa muchikapwa chipema, cha uhenya. Mbuto muyikawahisa akweze ni vinyu yaha muyikawahisa ana-mapwo.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mateu 26:29

Alioze ngunambe kuli yenu ngwami, Chichi kanwa nichimwe ku yino mihuko ya vindera, chize ku haliapwila ndo ku tangwa lize muze munguyinwa chaha hamwe ni yenu mu wanangana wa Tata.

Marku 14:23

Iye wanjile musenge, ni muze te hasakwila, waahelewo: no eswe anwine.

Marku 14:25

Pundu ngunambe kuli yenu ngwami, Chichi kanwa nawa nichimwe ku mihuko ya vindera ndo ku tangwa lize muze munguyinwa chaha mu wanangana wa Zambi.

Marku 15:23

Amuhele vinyu chinge ni mira; alioze kayitambwileko.

Marku 9:1

Iye wambile kuli ayo ngwenyi, Pundu ngunambe kuli yenu ngwami, Kwali amwe anamana kuno, kechi kufwa nichimwe ndo mamona wanangana wa Zambi hiweza ni tachi.

Luka 21:31

Chizechene ni yenu nawa muze munumona yino yuma kumanunuka, nukanyingike ngwenu, Wanangana wa Zambi uli hakamwihi.

Luka 22:16

mumu ngunambe kuli yenu ngwami, Chichi kachilia ndo muchimanunuka mu wanangana wa Zambi.

Luka 9:27

Ahoze chamwenemwene ngunambe kuli yenu ngwami, Kwali amwe a kuli waze anamana kuno, kechi kufwa ndo mamona wanangana wa Zambi.

Kolosu 1:13

mwenawo hanatupulula ku chiyulo cha milima, hanatututulwila ku wanangana wa mwe Mwana wa zango lienyi.

Akwa Kuyula 9:13

Alioze mutondo wa uva wambile ngwenyi, Te munguhichika vinyu yami yize yakuwahisa mazambi ni malunga, ngukaye ngukayule mitondo, nyi?