Luka 21:8 - MUKANDA USANDU WA ZAMBI 1975

⁸ Iye wambile ngwenyi, Kanyamenu kanda akanupiangula, mumu anji kumakeza mu jina liami, ngwo, Yami Kristu, ni mwaka hiwakundama: kanda nwakaula.

Mukanda Wa Zambi 1970

⁸ Yesu ngwenyi: “Kanyamenu, nyi ka, maakanupiangula. Mumu anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Nawa ngwo: ‘Tangwa hiliaheta!’ Alioze kanda nukaakaula.

Luka 21:8 Iomraidhean Croise

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Mateu 24:11

Ni aprofeta anji a kwonga kumakasoloka, mamupiangula anji.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 4:17

Chize ku mwaka uze Yesu waputukile kwambujola, ngwenyi, Likonyekenu; mumu wanangana wa malilu hiunakundama.

Luka 17:23

O makamba kuli yenu ngwo, Talenu kuno! hanji, Talenu kuze! kanda nukaya, chipwe kanda nukaakaula.

Luka 21:7

O amuhulile, ngwo, Longeshi, mwiji muka kashika yino yuma muyikapwa? Chilayi cha kwiza cha yino yuma chika?

Luka 21:9

Muze munwivwa ha jita ni yizungozungo, kanda nukasusumiana; mumu chatamba yino yuma kupwa hatangu; alioze songo kulichi kapwa kamunomuno.

Yoano 5:43

Nguneza mu jina lia mwe Tata, kunushi kungutambula: kachi mukwo meza mu jina lienyi mwene, munukamutambula.

Yoano 8:24

Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Yoano 8:28

Yesu kashika wambile kuli ayo ngwenyi, Muze hinwazundula mwe Mwana Mutu, hohene munukanyingika yoze nguli; chishi kulinga nichimwe cha kuli yami mwene; alioze chizechene ngwe Tata wangulongesele, nakuhanjika yino yuma.

1 Korintu 6:9

Hanji kunwanyingikine yihenge kechi kahinga wanangana wa Zambi. Kanda nulionga: chipwe mapangala, chipwe akwa kukombelela mahamba, chipwe yitanji, chipwe akwa luchisa, chipwe akwa utumwa,

Efesu 5:6

Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia.

2 A-TESALONIKA 2:3

Kanda nutayiza niumwe kunwonga, chipwe hakehe, mumu tangwa lize kulichi kwiza shina che kulumbuka muchilianga kwiza, akasolole mwe mutu wa shili, mwe mukwa utoke,

2 Timoteu 3:13

Alioze yingulungulu ni akwa kwonga kumakapiha kuhiana, nikupiangula, nikupianguka.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.

2 Yoano 1:7

Mumu akwa kupiangula anji haneza hano hashi, waze keshi kutayiza mwe Yesu Kristu heza mu musunya, mwe mukwa kupiangula yono, mwe mukwa kulimika ni Kristu.

Usolwelo 1:3

Kawaha yoze matanga, ni waze mevwa maliji a uprofeto, waze mafunga yuma yize yinasonewamo: mumu mwaka hakamwihi uli.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.