Luka 21:36 - MUKANDA USANDU WA ZAMBI 1975

³⁶ Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Mukanda Wa Zambi 1970

³⁶ Kanyamenu, lembenu matangwa eswe, hanga nukabwe ni tachi ja kuchina yize yeswe muyikabwa, ni kumana ku meso ja Mwana Mutu.”

Luka 21:36 Iomraidhean Croise

Jobe 27:10

Te kumawahilila muli Mukwa-Ndundo-Jeswe? Kumasanyika kuli Zambi matangwa eswe?

Miaso (Masamu) 1:5

Kashika yingulungulu keshi kumana mu upatwilo, chipwe yivulumunyi keshi kumana mu chikungulwila cha akwa ululi.

Jeremia 35:19

kashika Yehova-wa-Tujita, Zambi ya Izalele kanambe ngwenyi, Jonadabe mwana Rekabe kechi kahona lunga kumana kumeso jami nilimwe tangwa.

Malaki 3:2

Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Mateu 24:42

Lenu kashika mumu kunwanyingikine ha ola yize Mwene wenu meza.

Mateu 24:43

Alioze nyingikenu chino, kachi mwenya zuwo wanyingikine ha ola yize mwiji meza kachi walayile, kachi kamutayijile kulokola zuwo lienyi.

Mateu 24:44

Kashika ni yenu nawa lilulikenu; mumu ha ola yize kunushi kushinginyeka mwe Mwana Mutu meza.

Mateu 25:13

Lenu kashika, mumu kunwanyingikine tangwa, chipwe ola.

Mateu 26:41

Lenu, lembenu, hanga kunuchi kunjila mu cheseko: spiritu chamwenemwene yatakama, alioze musunya ulelu.

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Marku 13:33

kanyamenu, lawokenu, lembenu: mumu kunwanyingikine muze mwaka muupwa.

Marku 13:37

Alioze chize ngunambe kuli yenu, ngunambe kuli eswe ngwami, Lenu.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 18:1

Iye wahanjikile nawa chishima kuli ayo, ngwe chaatamba kulemba matangwa eswe, kanda akalezumuka;

Luka 20:35

alioze waze maamona kutela azuke chihanda ha mwaka uze muwizaho ni uhindukilo hakachi ka afu, chipwe keshi kumbata chipwe keshi kuhangisa malo:

Luka 21:35

Mumu chocho mulikeza hali waze eswe akutwama ha kuzazuluka cha hashi heswe.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

1 Korintu 16:13

Lenu, jikizenu mu Ufulielo, lingenu ngwe malunga, fundulenu.

2 Korintu 4:14

tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu.

Kolosu 4:2

Nyongononenu ni kulemba, ni kulámo hamwe nikusakwila.

1 Tesalonika 5:17

Lembenu, nikulitwamina nichimwe.

2 Timoteu 4:5

Alioze yena, keyela ha yuma yeswe, nyongonona ni utunu ndusu mu yipi, linga milimo ya mukwa kwambujola, manununa uvumbiko we.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.

1 Yoano 2:28

Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi.

Yuda 1:24

Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia.

Usolwelo 11:4

Wano kanapu mitondo yiali ya olevwe kanda yikwachilo yiali ya ndeya, yize yakumana kumeso ja Mwenya hashi.

Usolwelo 6:17

Mumu tangwa linene lia utenu wenyi hilineza, mba iya mahasa kumana?

Usolwelo 7:9

Kulutwe lia yino yuma, namwene, mbunga yinene, yize niumwe mahasa kwalula, a ku mavungu eswe, ni ku minyachi yeswe, ni kuli atu eswe, ni ku malimi eswe, kanamana kulutwe lia ngunja, ni kumeso ja mwe Mwana-panga, kanazala mahina a ngungu atoma, ni mitango ya mingaji mu moko jo;

Usolwelo 8:2

Mba namwene angelo shimbiali waze akumana kumeso ja Zambi: aahele yitavwi shimbiali.