Luka 21:34 - MUKANDA USANDU WA ZAMBI 1975

³⁴ Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Mukanda Wa Zambi 1970

³⁴ “Kanyamenu yenwene! Mbunge jenu kanda jilema ni yiteleka, ni kuzengewa, ni yibikalo ya mwakono. Nyi ka, tangwa lize mulikanutungumuna.

Luka 21:34 Iomraidhean Croise

Ubutukilo 19:32

Kashika tuye tukamunwise vinyu, tukapombe nenyi, hanga tukafunge munyachi wa tata.

Ubutukilo 19:35

Chocho yanwisa vinyu tato ufuku uze nawa mba kanuke yaya, yapomba nenyi. Alioze iye kanyingikine chipwe muze yapomba chipwe muze yahinduka.

Ubutukilo 27:14

Iye yaya yaasaka, yaaneha kuli naye. Mba naye yateleka kulia chiyema chize azangile tato.

Miaso (Masamu) 35:8

Kwonwona chikamutungumune. Mwene akafwe mu wanda uze aswekele. Aholokelemo nikulionwona.

Yishima 21:4

Meso a kulizata, ni mbunge ya kulengumuka, chipwe kulima cha yingulungulu, yeswe ya shili.

Yishima 23:20

Kanda utwama hakachi ka akwa kunwa, hanji yipulutu ya yifwo.

Longeshi 9:12

Mutu keshi kunyingika mwaka wenyi. Ngwe yishi aze akufwila mu wanda upi; ngwe tujila aze makwachika mu kambwila, chocho ana ja atu kakukwachika ha mwaka upi muze muawana susumuku.

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Hosea 4:11

Ukoi ni vinyu kuyakuchiza mana, ni vinyu yaha nawa.

Alevi 10:9

Kanda ukanwa vinyu hanji kunwa chisasu, chipwe yena, chipwe ane a malunga hamwe ni yena, muze mununjila mu mbalaka ya chikungulwila, kuchina munufwa. Chino chikapwe chiyulo cha mutolo kuli yenu ndusu yisemuko yenu yeswe.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

Marku 4:19

alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Luka 10:41

Alioze Yesu wamukumbulwile ngwenyi, Marta, Marta, kuwakulipikala nikulipinjisa ha yuma yinji.

Luka 12:40

Yenu nawa lilulikenu: mumu ha ola yize kunushi kushinginyeka mwe Mwana Mutu meza.

Luka 17:3

Keyelenu kuli yenwene; kachi ndumbwe makuvulumuna, mukanjise; nyi kachi malikonyeka, umukonekene.

Luka 21:35

Mumu chocho mulikeza hali waze eswe akutwama ha kuzazuluka cha hashi heswe.

Luka 21:8

Iye wambile ngwenyi, Kanyamenu kanda akanupiangula, mumu anji kumakeza mu jina liami, ngwo, Yami Kristu, ni mwaka hiwakundama: kanda nwakaula.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

1 Korintu 5:11

alioze haliapwila ngunasoneka kuli yenu, ngwami, Kanda nuliendela nenyi, kachi umwe anamuvuluka ngwo, Ndumbu, mapwa chitanji, hanji mukwa kwivwa kuzo, hanji mukwa kukombelela mahamba, hanji mukwa kutukana, hanji mukwa kuzengewa, hanji mukwa Tufutu; hamwe ni umwe ngwe yono kanda nulia.

1 Korintu 6:10

chipwe eji, chipwe akwa kwivwa kuzo, chipwe akwa kuzengewa, chipwe akwa kutukana, chipwe akwa kuhianyisa ndando, kechi kahinga wanangana wa Zambi.

Galashia 5:20

ni kukombelela mahamba, ni kupanda, ni kole, ni vunda, ni ukwa, ni ufwatulo, ni kulipula, ni kulimanangana, ni kulihandununa,

Shimbi 29:19

Kuchina ha kwivwa maliji a shingo lino, maliwahisa mwene mu mbunge yenyi ngwenyi, Mungupwa ni sambukila, chipwe mungwenda ni pami ja mbunge yami, ku pwila yami munguweza kuzengewa.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

2 Petulu 3:10

Alioze tangwa lia Mwene kumulikeza ngwe mwiji ha ufuku: muze malilu makahwa ni lundunjila, ni yuma ya mwilu muyikasangunuka ni chivukuminya cha kahia, ni hashi ni yitanga yize yiliho muyikawema wupu.

2 Petulu 3:14

Kashika, akwetu a zango, se nwakutalatala yino yuma, lipupwisenu hanga akanuwane kuli iye ni sambukila, kunushi chipeka hanji kapalia.

Usolwelo 3:3

Iwuluka kashika ngwe watambwile, ni chize wevwile; uchifunge, Ulikonyeke. Kashika nyi kuchi kulá, mungukeza ngwe mwiji, kuchi kunyingika ha ola yize mungwiza hali yena.

1 Samuel 25:36

Abigale wejile kuli Nabale, iye te halinga muzumbu mu zuwo lienyi, ngwe muzumbu wa mwanangana. Mbunge ya Nabale te yinawahilila chinji mumu kanazengewa chikolo. Kashika kamulwezele nichimwe ndo hikwacha.