Luka 21:26 - MUKANDA USANDU WA ZAMBI 1975

²⁶ atu nikulezumioka ha woma, ha kutalatala yuma yize muyiza ha yifuchi yeswe ya hashi, mumu tachi ja malilu kumujikanyika.

Mukanda Wa Zambi 1970

²⁶ Atu maakalezumuka ni woma ha yuma yize muyikeza hashi heswe, mumu tachi ja mwilu mujikanyikumuka.

Luka 21:26 Iomraidhean Croise

Izaya 5:30

Kumakakenanyinako ha tangwa lize ngwe kuchungula cha kalunga-lwiji. Nyi umwe matala ku chifuchi, kumanyi milima ni kupinda, ni mwalwa unala ni malelwa jako.

Alevi 26:36

Ha kutwala kuli waze akwenu masala mungutuma kulezumuka mu mbunge jo mu yifuchi ya akwa kole jo. Kuholoka cha lifwo muchiachinyisa, ngwe mutu wakuchina katana chocho machina, mba malimbuka chipwe kaahangile niumwe.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Marku 13:25

Ni matongonoshi a mwilu kumakaholoka, ni tachi jize jili mu malilu kumujikanyika.

Luka 21:25

Mba kumukukapwa yilayi mu tangwa ni kakweji ni matongonoshi; ni hashi kupinda cha mavungu ni kulifwita, ha lundunjila wa kalunga-lwiji, ni mikanya yenyi;

Luka 21:27

Hohene kumakamona mwe Mwana Mutu kaneza mu lelwa ni tachi ni uhenya unene.