Luka 21:25 - MUKANDA USANDU WA ZAMBI 1975

²⁵ Mba kumukukapwa yilayi mu tangwa ni kakweji ni matongonoshi; ni hashi kupinda cha mavungu ni kulifwita, ha lundunjila wa kalunga-lwiji, ni mikanya yenyi;

Mukanda Wa Zambi 1970

²⁵ “Mukukabwa yilayi ha tangwa ni ha kakweji ni ha matongonoshi. Hano hashi atu maakabihilila, maakayambashana mumu ha lundunjila ni miavu ya kalunga lwiji.

Luka 21:25 Iomraidhean Croise

Miaso (Masamu) 46:3

Chipwe e meya jamo mahanjika ni lundujila nikupinda; chipwe milundu muyinyika ni mikanya yenyi.(Litulike.)

Izaya 13:10

Mumu matongonoshi a mwilu ni mbunga jo kechi katemuka; tangwa mulikalá ha kuvumbuka ni kakweji kechi katwa mweji.

Izaya 17:12

Cho kunuma cha mavungu anji, kananumu ngwe kunuma cha kalunga-lwiji! Cho kuchungula cha mavungu, kanachungula ngwe kuchungula cha meya anji!

Izaya 24:23

Henaho kakweji makalifwita, ni tangwa mulikevwa sonyi; mumu Yehova-wa-Tujita makayula ha mulundu wa Zaione ni mu Yerusaleme, ni kumeso ja makulwana jenyi makasolola uhenya wenyi.

Izaya 5:30

Kumakakenanyinako ha tangwa lize ngwe kuchungula cha kalunga-lwiji. Nyi umwe matala ku chifuchi, kumanyi milima ni kupinda, ni mwalwa unala ni malelwa jako.

Izaya 51:15

Mumu yami nguli Yehova Zambi yenu, mukwa kuvundula kalunga-lwiji ndo mikanya yenyi muyikachungula— jina lienyi Yehova-wa-Tujita.

Jeremia 4:23

Natalile hashi, kumanyi hapwa hamokomoko ha hululu; natalile kwilu kumanyi kukushi pangu.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Mika 7:4

Mwe mupema hakachi ko kapwa-ngwe mukalale, yoze Wahiana ululi hakachi ko kapwa ngwe chipanga cha mbimbo. Tangwa lia tulayi twe, lia kastigu ye hilieza; kutatajala cho hichaheta.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Mateu 27:45

Achi, chize ku ola yamuchisambano kwapwile milima hashi heswe ndo ku ola yamuchilivwa.

Marku 13:24

Alioze ha matangwa aze, kulutwe lia luyinda yoze, tangwa kumulikalá, ni kakweji kechi katwa mieji.

Marku 13:26

Hohene makamona mwe Mwana Mutu kaneza mu malelwa hamwe ni tachi jinene ni uhenya.

Marku 15:33

Muze hapwile ola yamuchisambano, kwapwile milima ha chifuchi cheswe ndo ola yamuchilivwa.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Luka 21:26

atu nikulezumioka ha woma, ha kutalatala yuma yize muyiza ha yifuchi yeswe ya hashi, mumu tachi ja malilu kumujikanyika.

Yilinga 2:19

mungukalweza yipekesa mwilu, ni yilayi hashi; manyinga, ni kahia, ni chishichishi cha mwishi:

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.