Luka 21:24 - MUKANDA USANDU WA ZAMBI 1975

²⁴ Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Mukanda Wa Zambi 1970

²⁴ Maakashiha ni mukwale, maakatwala funge mu yifuchi yeswe. Mavungu akwo nwakaliata Yerusaleme ndoo tangwa lio mulikamanunuka.”

Luka 21:24 Iomraidhean Croise

Ubutukilo 34:26

Yashiha Hamore ni mwanenyi Shekeme ni katana, yachiza Ndina mu zuwo lia Shekeme, yaya.

Kutuhuka 17:13

Chocho Yoshua yashiha tachi ja A-Amaleke ni ja atu jenyi ni lutwilo wa katana.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Izaya 63:18

Atu je asandu azukile zuwo lie lisandu ha shimbu likepe; alioze akwa kole jetu haliliachila mu mavu.

Izaya 66:12

Mumu Yehova kanambe ngwenyi, Munguhetesa kuli iye kuwaha cha yitanga yenyi ngwe lwiji. Upite wa mavungu munguuhetesa kuli iye ngwe muhwiji wa kusupwokela. Munukamwa, makanumbata mu kapwete kenyi, makanususuminya ha makungunwa jenyi.

Izaya 66:19

Mungukamika chilayi hakachi ko. Waze malisalaho hakachi ko mungukatuma ku mavungu ku Tashi ni ku Pule, ni ku Lutu, akwa kunana uta, ni ku Tupale ni Yavwane ni ku mbaka jize ja kusuku, kuze kanda achivwa lufuma wami, hanji kumona uhenya wami; mba mambujola uhenya wami hakachi ka mavungu.

Lungungu 1:15

Mwene walelesele malunga jami eswe a ndundo hakachi kami. Wasanyikine chikungulwila cha kulimika ni yami akafwenye akweze jami. Mwene haliata mwe mwana-pwo virgem Yunda ngwe ukamino wa uva.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 8:13

Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Luka 21:25

Mba kumukukapwa yilayi mu tangwa ni kakweji ni matongonoshi; ni hashi kupinda cha mavungu ni kulifwita, ha lundunjila wa kalunga-lwiji, ni mikanya yenyi;

A-ROMA 11:25

Mumu chazangile yenu, mandumbu, kwalajala ha chijimbikilo chino, kuchina munukanyama ni kutaka cha yenwene, ngwe kukalisa ha chihanda hichawana A-Izalele, ndo ku kuzala tò cha akwa mavungu muchiza:

Hebreu 11:34

ajimine tachi ja kahia, apulukile ku lutwilo wa katana, ku ulelu alikolezele, ayile ni kutakama mu jita, achinyishine yizavu ya yilambala.

Usolwelo 11:2

Alioze yize, yize yili haze lia tembele, hichika, kanda uyeseka; mumu hanayihana kuli akwa mavungu: ni limbo lisandu kumakaliliata kushi lia yiliato makumi awana a tukweji ni tukweji aali.