Luka 21:22 - MUKANDA USANDU WA ZAMBI 1975

²² Mumu wano e matangwa a kukala milonga, hanga yuma yize yeswe yinasonewa yikamanunuke.

Mukanda Wa Zambi 1970

²² Mumu maakabwa ‘Matangwa a Kukala Milonga,’ hanga yikamanunune yize Mukanda wa Zambi unambe.

Luka 21:22 Iomraidhean Croise

Izaya 34:8

Mumu Yehova kali ni tangwa lia kukala milonga, mwaka wa kufwetesa ha chikuma cha Zaione.

Izaya 61:2

Hanangutumu kwambujola mwaka wa vumbi lia Yehova, ni tangwa lia Zambi lia kukala milonga, hanga ngukawumbijeke waze eswe analinyenge;

Izaya 63:4

Mumu tangwa lia kufwetesa liapwile mu mbunge yami, mwaka wami wa kukula hiwaheta.

Jeremia 51:6

Chinenu hakachi ka Babilonia, mutu mweswe alamwine mwono wenyi! Kanda anusutula mu kastigu yenyi mumu mwaka wa kukala wa Yehova, uno, che kufwetesa chenyi kuli iye.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 1:22

Achi, yino yeswe yapwile hanga chikamanunuke chize ahanjikile Mwene ku kanwa lia profeta ngwenyi,

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

Shimbi 32:34

Yino yeswe te chayitulikile mu mbunge yami? Chayifungile hamwe ni upite wami, nyi?

Shimbi 32:43

Enu mavungu, halisenu atu jenyi, mumu hafwetesa manyinga a tuvumbi twenyi. Yalikala hali akwa kulimika nenyi. Hapemesa chifuchi cha atu jenyi.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.