Luka 21:19 - MUKANDA USANDU WA ZAMBI 1975

¹⁹ Mu uhumikizo wenu nukazuke mwono wenu.

Mukanda Wa Zambi 1970

¹⁹ Lihumikizenu, mumu Chenacho munukalamwina mwono wenu.”

Luka 21:19 Iomraidhean Croise

Miaso (Masamu) 37:7

Hwima hali Yehova, umutwaminyine ni uhumikizo. Kanda ulifwita mumu hali yoze wakuwaha mu jila yenyi, hanji hali yoze wakumanununa kutaka chenyi chipi.

Miaso (Masamu) 40:1

Natwaminyinyine Yehova ni uhumikizo; iye wahetamine kuli yami, wevwile muteto wami.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Mateu 10:22

Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Mateu 24:13

Alioze mweswe manyongonona ndo ku songo, kumakamulamwina.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

A-ROMA 15:4

Mumu yuma yeswayo yasonewene kunyima, yasonewene mukutulongesa, hanga ku uhumikizo ni kulembejeka cha yisoneko tukapwe ni kutalatala.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

A-ROMA 5:3

Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona;

A-ROMA 5:4

ni kunyongonona kuchakulinga kukola; ni kukola kuchakulinga kutalatala;

A-ROMA 8:25

Alioze kachi twakutalatala chize kutushi kumona, kachi ni uhumikizo twakuchilawoka.

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

2 A-TESALONIKA 3:5

Mwene akatondekeze kama mbunge jenu ku zango lia Zambi, ni ku uhumikizo wa Kristu.

Hebreu 10:36

Mumu Chanutamba kunyongonona, nulinge upale wa Zambi, nukatambule che chilakenyo.

Hebreu 6:11

Tunazange ni mbunge yeswe mweswe wa kuli yenu akalweze kulipupwisa chimuwika, akasele chinyingi liakulu cha kutalatala ndo ku songo:

Hebreu 6:15

Chocho se wanyongonwene ni uhumikizo, wazukile chilakenyo.

Tiangu (Jake) 1:3

se nunanyingika kweseka cha Ufulielo wenu kuchakulinga kunyongonona.

Tiangu (Jake) 1:4

Alioze kunyongonona chikapwe ni chitanga chacho chingunu, hanga nukapwe angunu, a muwundu, nikuhona nichimwe.

2 Petulu 1:6

Ha yinyingi yenu, wezenu kusúla; ha kusúla chenu wezenu kunyongonona; ha kunyongonona chenu wezenu uwayilo;

Usolwelo 1:9

Yami Yoano, ndumbwenu ni mukwa kulianyina-ni-mukwenu ha luyinda ni wanangana ni uhumikizo wa Yesu, napwile mu tungu lize ngwo, Patemu, mumu ha liji lia Zambi ni mumu ha Shindakenyo ya Yesu.

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.

Usolwelo 14:12

Muno muchili kunyongonona cha asandu, waze akufunga maliji a shimbi a Zambi ni Ufulielo wa Yesu.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.