Luka 21:16 - MUKANDA USANDU WA ZAMBI 1975

¹⁶ Alioze kumakanukunjika chipwe kuli yisemi, ni asongo-ni-atu, ni usoko, ni tusendo; o kumakashiha amwe a kuli yenu.

Mukanda Wa Zambi 1970

¹⁶ Chibwe yisemi jenu, ni ayayenu, ni akwenu, ni usoko wenu, ni masepa jenu maakanukunjika, mba akwa kuyula maakashiha amwe a kuli yenu.

Luka 21:16 Iomraidhean Croise

Jeremia 12:6

Mumu chipwe ayayenu ni munyachi wa tatenu, chipwe o halinga ni yena ni mafwefwe, kanakuhange ni kukolojoka. Chipwe mahanjika ni yena maliji apema kanda uafuliela.

Jeremia 9:4

Mutu mweswe akanyame ni mwenyembo wenyi, niumwe kanda afuliela mwanakwo. Mumu mwanakwo mweswe kapwa mukwa kanjiliji, ni mwenyembo mweswe kanende ni kulamikiza.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Marku 13:12

Mukulwana kumakakunjika mwanakwo ku kufwa, tato makakunjika mwanenyi; ana kumakakatukila yisemi, makaashihisa.

Luka 12:53

Tato kumalihandununa kuli mwanenyi wa lunga, ni mwanenyi wa lunga kuli tato; naye malihandununa kuli mwanenyi wa pwo, ni mwanenyi wa pwo malihandununa kuli naye; tato-pwo malihandununa kuli tembwa-mwanenyi, ni tembwa-mwanenyi malihandununa kuli tato-pwo.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Luka 21:17

Kumakanuvwila kole kuli eswe mumu ha jina liami.

Yilinga 12:2

Washihile ni katana Tiangu, yayo ya Yoano.

Yilinga 7:59

O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.

Usolwelo 6:9

Muze apakwile Chijikilo chamuchitano, namwene kushi lia chilumbilo alma ja waze aashihile ha liji lia Zambi ni ha Shindakenyo yize apwile nayo.