Luka 21:10 - MUKANDA USANDU WA ZAMBI 1975

¹⁰ Hohene wambile kuli ayo ngwenyi, Akwa vungu limwe kumakakatukila akwa vungu likwo, ni akwa wanangana umwe Kumakakatukila akwa wanangana ukwo.

Mukanda Wa Zambi 1970

¹⁰ Mba yaweza ho ngwenyi: “Vungu ni vungu kumaakasa jita. Wanangana kumuukalimika ni wanangana ukwo.

Luka 21:10 Iomraidhean Croise

Izaya 19:2

Munguvundula A-Engitu akalimike ni A-Engitu, kumakasa jita, mutu mweswe ni usoko wenyi ni mutu mweswe ni mwenyembo wenyi. Chihunda muchikalimika ni chihunda, akwa wanangana umwe malimika ni akwa wanangana ukwo.

Zakaria 14:13

Ha tangwa lize umwe mwongo unene wa kuli Yehova muukaakwata, chocho mutu mweswe makwata ku kwoko lia mukwo, ni kwoko lia umwe mulikazunduka kulimika ni kwoko lia mukwo.

Marku 13:8

Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.

Luka 21:11

Kumukukapwa minyiko yinene kweka ni kweka, ni tupunga ni yilungo. Kumukukapwa yuma ya kuvwisa woma ni yilayi ya mwilu.

Luka 21:9

Muze munwivwa ha jita ni yizungozungo, kanda nukasusumiana; mumu chatamba yino yuma kupwa hatangu; alioze songo kulichi kapwa kamunomuno.

Yilinga 11:28

Mba umwe wa kuli ayo, jina lienyi Angavu, yakatuka, yalweza ku tachi ja Spiritu ngwenyi, Mukukapwa kapunga munene mu yifuchi yeswe ya hashi; mwenawo wapwile ha matangwa ja Kelautiu Sesare.

Hebreu 12:27

Alioze liji lino ngwo, Hindu chisuho chimuwika nawa, linalumbunuka kunungunuka cha yuma yize ya kunyika, ngwe ya ku yuma ya kutunga, hanga yuma yize kuyishi kunyika yikasale.