Luka 20:7 - MUKANDA USANDU WA ZAMBI 1975

⁷ O akumbulwile ngwo, Kutwanyingikine kuze wakatukile.

Mukanda Wa Zambi 1970

⁷ Mba yaakumbulula ngwo: “Kutwanyingikine.”

Luka 20:7 Iomraidhean Croise

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 29:14

kashika cheka nawa mungulinga yikomokeso ni vungu lino; te yikomokeso ni yipupu. Mana ja akwa mana jo kumakakuwa, ni malinjekela ja akwa malinjekela kumakafukiwa.

Izaya 41:28

Alioze muze natala chawanyine niumwe; hakachi ko kukushi niumwe mukwa kulongesa mana, hanji yoze makumbulula muze munguhula.

Izaya 44:18

Kanyingikine, kuchaalumbunukine mumu iye hayika meso jo, kashika kahashile kumona. Hayika manyonga jo, kashika kahashile kunyingika.

Zakaria 11:15

Mba Yehova yamba kuli yami ngwenyi, Anda cheka nawa ye yikwata ya kafunga wamokomoko.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Luka 20:6

Alioze kachi mutwamba ngwetu, Kuli atu; atu eswe kumatwasa mawe; mumu kanakunuka ngwo, Yoano iye profeta.

Luka 20:8

Yesu wambile kuli ayo ngwenyi, Ni yami nawa, chishi kunwambulwila chiyulo chize nakulinga nacho yino yuma.

Yoano 9:39

Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa.

2 Petulu 3:3

Chuma chitangu nyingikenu ha matangwa a kusula, akwa kukekuna kumakeza ni kukekuna, nikwenda nikulita ni usolo wo ene.