Luka 20:25 - MUKANDA USANDU WA ZAMBI 1975

²⁵ Iye wambile kuli ayo ngwenyi, Mba hanenu kuli Sesare yuma ya Sesare, ni kuli Zambi yuma ya Zambi.

Mukanda Wa Zambi 1970

²⁵ Mba Yesu yaamba ngwenyi: “Nyi chocho, hilwisenu mwanangana wa Aroma yize niyenyi ni Zambi yize niyenyi.”

Luka 20:25 Iomraidhean Croise

Yishima 24:21

Mwanami, vwila woma Yehova ni mwe mwanangana; kanda uliendela ni waze akuzanga kwalumiona yuma,

Mateu 17:27

Alioze hanga kutuchi kaatalingisa, yako ku Chitende, ukambile kazambu, ukoze yishi yoze mutangu matutuka; mba muze hiwapakula kanwa lienyi, kumukawana lumbongo: ukamumbate, ukamuhane kuli ayo hali yami ni yena.

Mateu 22:21

Ngwo, Cha Sesare. Hohene yamba kuli ayo ngwenyi, Hanenu kevwe kuli Sesare yuma ya Sesare; ni kuli Zambi yuma ya Zambi.

Marku 12:17

Yesu wambile kuli ayo ngwenyi, Hanenu kuli Sesare yuma ya Sesare, ni kuli Zambi yuma ya Zambi. O amukomokene chikolo.

Luka 20:24

Ngulwezenu lumbongo. Chizulie ni chisoneko chaya chiliko? O ambile ngwo, Cha Sesare.

Yilinga 5:29

Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.